Thread by @NormanJonasMD

#DondooZaDaktari | Leo ni siku ya ugonjwa wa KISUKARI duniani #WorldDiabetesDay

➡️Siku maalumu ambayo wanajamii tunaelimishana kuhusu tatizo hili la kiafya.

➡️Tatizo hili linaongezeka na moja ya kisababishi kikuu cha magonjwa ya figo,moyo, upofu na ulemavu wa kupoteza viungo.

#KISUKARI NI NINI?

➡️Kisukari ni ugonjwa wa kudumu ambao hutokea pale kiwango cha sukari (glukosi) katika damu
kipo juu zaidi kutokana na kukosekana au mwili kushindwa kutumia homoni ya insulini

➡️Kiwango cha glukosi kikiwa juu kwa muda mrefu, husababisha madhara katika mwili

➡️Unapokula chakula, mfumo wako wa kumeng’enya hukichakata na kutengeneza glukosi.

➡️Glukosi inapoingia kwenye damu, husababisha kongosho lako kutoa homoni inayoitwa insulini.

➡️Insulini huzunguka mwilini na kuwezesha seli kupata glukosi ili kuitumia kuleta nguvu mwilini.

INSULINI NI KAMA FUNGUO YA GLUKOSI

➡️Inaruhusu glukosi kuingia kwenye seli.

➡️Wakati insulini haipo au imeacha cha kufanya kazi, glukosi katika mwili wako haiwezi kwenda mahali popote.

➡️Mwisho: viwango vyako vya glukosi katika damu vitapanda kuwa juu sana kupelekea kisukari

AINA ZA KISUKARI

➡️Kuna aina 3 za Kisukari zinazojulikana zaidi, ambazo ni:

• Kisukari aina ya kwanza (1)
• Kisukari aina ya Pili (2)
• Aina ya Kisukari kipindi cha ujauzito

KISUKARI AINA YA KWANZA

➡️Aina hii ya kisukari hutokea wakati mfumo wa kinga mwilini unashambulia kongosho na kusababisha lisiweze kutoa insulini ya kutosha.

➡️Aina hii huathiri zaidi watoto

UWEZEKANO WA KUPATA KISUKARI AINA YA 2

➡️Kila mtu ana kiwango tofauti cha hatari ya kupata aina ya 2 ya ugonjwa wa kisukari.

➡️Kiwango cha hatari kinahusishwa na mtindo wa maisha, umri, au sababu za kimaumbile (vinasaba).

VITU HIVI VINAKUWEKA KATIKA HATARI ZAIDI YA KUPATA KISUKARI AINA YA 2

➡️Unene uliokithiri
➡️Ulaji usiofaa
➡️kutokujishughulisha kimwili
➡️kuwa na umri wa miaka 45 au zaidi
➡️kuwa na historia ya ugonjwa wa kisukari aina ya 2 katika familia

BAADHI YA DALILI ZA KISUKARI
➡️kwenda haja ndogo mara nyingi sana, haswa wakati wa usiku
➡️kuhisi kiu kuliko kawaida
➡️kuhisi njaa mara kwa mara
➡️kuhisi uchovu sana
➡️kupungua uzito bila sababu
➡️vidonda kuchukua muda mrefu kupona uwezo hafifu wa kuona (kuona ukungu).

Watu wengi huishi na kisukari muda mrefu bila ya kutambua dalili hivyo ni muhimu kupima afya mara kwa mara walau mara moja kwa mwaka

KUDHIBITI KISUKARI

1⃣Shugurisha mwili (k.m kutembea) – zingatia mazoezi walau dakika 30 katika mazoezi ya kila siku ya wiki.
2⃣Zingatia lishe bora
3⃣Punguza uzito wako au dumisha uzito wenye afya kiadili
4⃣Punguza utumiaji wa chumvi

5⃣Tembelea kituo cha afya ya ugonjwa wa kisukari kupata uangalizi wa mara kwa mara ikiwemo kupima viwango vya sukari kwenye damu, shinikizo la damu, lehemu (cholesterol), figo,moyo, macho na afya ya meno
6⃣Angalia afya ya miguu yako-kila siku
7⃣Acha uvutaji wa sigara

@threadreaderapp "unroll"