Thread by @atgram

கடல்நீரைக் குடிநீராக்கல் (Desalination) குறித்து, சு.சா போன்ற புல்லறிவாளர்களேப் பேசும் போது, அத்துறையில் பணி புரியும் நானும் தெரிந்ததைச் சொல்ல இந்த இழை... 👇👇👇

உவர்நீக்கல் - Desalinationக்குச் சரியான தமிழாக்கமாக இருக்கலாம். கடல்நீரின் உவர்ப்புச்சுவை நீக்கி குடிக்க ஏற்ற நீராய் மாற்றல்.... கடல் நீரில் கரைந்துள்ள உப்பு, கரியமில வாயு ஆகியவற்றை நீக்கி, பின் குடிக்க ஏதுவாக சில உப்புக்களைக் கலந்து குடிநீராக்கல்...

உப்பு நீக்கல் பொருத்து, பொதுவாக இருவகைப்படும்...
1. காய்ச்சி வடித்தல் (Distillation)
2. எதிர்மறை சவ்வூடுபரவல் (Reverse Osmosis)

பெயரிலேயேப் புரிந்திருக்கும்... கடல்நீரைக் கொதிக்க வைத்து நீராவியாக்கினால், வெறும் நீர் மட்டுமே நீராவியாகும்... உப்பு கீழேயே தங்கிவிடும்... நீராவியைக் குளிர்வித்தால் தெளிந்த உப்பற்ற நீர் கிடைக்கும்...

அவ்ளோ தானா? கொதிக்க வைத்து குளிர்வித்தல் தானா? என நினைத்திடலாம்... ஆனால், கொதிக்க வைக்க வெப்ப ஆற்றல் தேவையல்லவா...? அதற்குப் பயன்படுத்தப்படுவது நீராவி தான்... பெரும்பாலும், அனல்மின்நிலையங்கள் அருகாமையிலேயே, இவ்வகை உவர்நீக்கல் நிலையம் அமைக்கப்படும்.

கொதிகலனில் இருந்து கிடைக்கும் நீராவியைக் கொண்டு கடல்நீரை சூடாக்கிக் கொதிக்க வைக்கவே அவ்வாறு அமைக்கப்படுகிறது. ஆனால், இதற்குச் செலவிடும் நீராவியினால், உற்பத்தியாகும் மின்சாரம் குறையும்... ஏற்கனவே நம் நாட்டின் மின்சார தன்னிறைவு நமக்குத் தெரிந்ததே...

கடல்நீர், நன்னீர், மீச்செறி நீர், என நீரேற்றிகள் இருக்கும் உவர்நீக்கல் நிலையத்தின் மின்சார பயன்பாட்டளவு, மேலும் நீராவியினால் உண்டான மின்சார இழப்பு இவற்றைக் கணக்கிட்டால், 1350 கன மீ நன்னீர் உற்பத்தி செய்ய 45000 யூனிட் மின்சாரம் தேவைப்படும்.

உள்ளெடுக்கும் கடல்நீரில் 3ல் ஒரு பங்கிற்கும் குறைவாகவே நன்னீர் கிடைக்கும்... மீதமுள்ள நீரின் உப்புச்செறிவு கூடிய மீச்செறிநீர் மீண்டும் கடலுக்கே அனுப்பப்படும்... இதனால், நிலையத்தின் அருகே கடல்வாழுயிர் வாழ்வியல் பாதிக்கலாம்

2. எதிர்மறை சவ்வூடுபரவல்:
இம்முறை குறித்தறிய முதலில் சவ்வூடுபரவல்... பகுதி ஊடுருவு சவ்வின்(semi permeable membrane) ஒருபுறம் உப்புநீரும், மறுபுறம் நன்னீரும் இருந்தால், இருபுறம் செறிவு (concentration) சமமாகும் வரை நன்னீர் சவ்வின் ஊடே உப்புநீர்புறம் செல்லும்.

இந்த முறையில் தான் நம் குடலில், நீர் குருதிநாளங்களில் உள்ளிழுக்கப்படுகிறது... இது ஒரு இயற்கை நிகழ்வு... வெளிப்புற ஆற்றல் தேவையில்லை... ஆனால், உப்புநீர் புறம் அதிக அழுத்த ஆற்றல் தரின், உப்பு நீரில் உள்ள நீர் மட்டும் நன்னீர்புறம் செல்லும்... இதுவே எதிர்மறை சவ்வூடுபரவல்.

ஆங்கிலத்தில் reverse osmosis... ஒரு புறம் நன்னீர் இருக்க, உப்புநீர் புறம் உப்பின் செறிவு அதிகமாகி, மீச்செறிவுநீராக (High concentrated Water or Brine) மாறும்... சுமாராக, மூன்றில் ஒரு பங்கு நன்னீர் கிடைக்கும்... மீதம் மீச்செறிவு நீராக மீண்டும் கடலுக்கு...

இதில் நீராவி தேவையில்லை எனினும், சவ்வின் நிறுவு விலையும், பராமரிப்பு செலவும் அதிகம்... வேதிப்பொருட்கள் பயன்பாடும் செலவில் சேரும்...

இந்த இருமுறையிலும் கிடைத்த நீர், குடிநீராக மாற்ற சில தாதுப்புக்கள் சேர்க்கப்படுகிறது... குடிநீர்க்காக சில நிலையங்கள் நிறுவப்பட்டாலும், அதனை அனைத்து வீடுகளுக்கும் கொண்டு குழாய்கள் முதலான பல கட்டமைவுகளும் அமைக்கப்படவேண்டும்...

குடிநீர்க்கு இது தீர்வாக சொல்லப்பட்டாலும், கடற்புறம் உருவாக்கப்பட்ட நீரை மாநிலம் முழுதும் கொண்டுசெல்லுதல் கண்டிப்பாக ஒரு சவாலாகவே இருக்கும்... கடற்புறம் உள்ள நகரங்களுக்கு மட்டுமென்றாலும், சென்னை போன்ற மிகை மக்கள் தொகை கொண்ட நகருக்கு உவர்நீக்கு நிலையங்கள் பல அமைக்கவேண்டி வரும்.

குடிநீர்க்கு மட்டுமே நான் மேலே சொன்னவை... உழவு செய்திட நீரில் சத்துக்கள் வேண்டும்... உவர்நீக்கம் செய்த நீரில் எந்தச் சத்தும் இருப்பதில்லை... காவிரிக்குப் பதில் கடல்நீர் என்று சில முட்டாள்தனமாக பேசினால், குடிக்க மட்டும் நீர் போதுமா? உணவும், உழவும் இன்றி உயிர் வாழுமா எனக்கேளுங்கள்.

இத்துடன் இழை முடிக்கிறேன்... காவிரி நம் உரிமை... பொறுக்கித்தனமாக, வேண்டுமென்றால், கடல்நீரைக் குடியுங்கள் எனச் சொல்லும் சுனாசானாக்களைத் துரும்பெனவும் மதியாதீர்...