Thread by @skpkaruna

#Thread
நாடாளுமன்ற மசோதாத் தாக்கல் நடைமுறை..
புரியாதவர்களுக்காக இன்னொரு முறை விளக்குகிறேன்., புரியாததைப் போல நடிப்பவர்களுக்கு அல்ல!
ஸ்டெப் 1 : மசோதாவின் நகலை உறுப்பினர்களுக்கு சில தினங்களுக்கு முன் அனுப்பி வைப்பார்கள். (இப்போது அது சில மணி நேரம் முன் என சுருக்கப்பட்டு விட்டது).

ஸ்டெப் 2 : மசோதா தாக்கல் செய்யும் தேதியை சபைச் செயலாளர் அறிவிப்பாணையாக வெளியிடுவார்.
ஸ்டெப் 3 : அந்த தினத்தில் தொடர்புடையத் துறை அமைச்சர் மூலமாக மசோதா அவையில் தாக்கல் செய்யப்படும்.
(அரசியல் முக்கியத்துவம் இல்லாத மசோதாக்கள், அப்போதே ஓரிருவரை மட்டும் பேச விட்டு விவாதத்துடனோ,

அல்லது விவாதம் இன்றியோ அப்போதே குரல் வாக்கெடுப்பு மூலம் நிறைவேற்றப்படும்).
அரசியல் முக்கியம் வாய்ந்த மசோதா எனில் தாக்கல் செய்யப்படும்போதே, அதை வாபஸ் வாங்க வேண்டும் என்றோ அல்லது நிலைக்குழுவின் பரிசீலனைக்கு அனுப்ப வேண்டும் என்றோ எதிர்கட்சிகள் கோரிக்கை வைப்பார்கள். மீறி தாக்கல்

செய்தால் சபையை நடத்த விடாமலோ அல்லது வெளிநடப்போ செய்து தங்கள் எதிர்ப்பை பதிவு செய்வார்கள். (இதைதான் திமுக செய்தது).
ஸ்டெப் 4 : மசோதா மீதான விவாதம். இந்த விவாதம் அப்போதே நடந்து முடிய வேண்டும் என்பது அல்ல! சில சமயங்களில் நாட்கணக்கில், விடிய விடிய கூட நடக்கும்! (வாஜ்பாய் அரசை

ஜெ கவிழ்த்த அன்று வாக்கெடுப்புக்கு முன் இரண்டு நாட்கள் இரவெல்லாம் பேசினார்களே! நினைவிருக்கா? )
விவாதத்தின்போது கட்சி உறுப்பினர்களின் எண்ணிக்கைக்கு ஏற்ப உறுப்பினர்கள் பேச அனுமதிக்கப்படுவார்கள்.
ஸ்டெப் 5 : மசோதா மீதான வாக்கெடுப்பு
இதுவும் கட்டாயமல்ல! ஆளும்கட்சிக்கு பெரும்பான்மை

இருப்பதால், வழக்கமான மசோதாக்கள் அனைத்துமே ஒரு ஃபார்மாலிட்டிக்காக குரல் வாக்கெடுப்பு மூலம் “Those who agree say Ayee., Those who doesn’t say Nah.. I hear Aiyee” என சபாநாயகர் முடிச்சுடுவார். ஆனால், அரசியல் கொள்கை முடிவு இருக்கும் மசோதாவில் எதிர்கட்சிகள் தங்கள் நிலைப்பாட்டை

வரலாற்றில் பதிவு செய்து கொள்வதற்காக, (முடிவு குறித்த அக்கறை அல்ல) வாக்கெடுப்பை கோரும். சபாநாயகர் அந்தக் கோரிக்கையை ஏற்றுக் கொண்டால் முறையாக தேதி, நேரம் அறிவிப்பை வெளியிடுவார். அந்தந்தக் கட்சியின் கொறடாக்கள் அந்த நேரத்துக்குள் அவரவர் உறுப்பினர்களை அழைத்து வந்து இருக்கையில் அமரச்

செய்வார்கள். நாடாளுமன்றத்தில் இந்த வாக்கெடுப்பு ட்விஷன் முறையில் நடத்தப்படும். அதாவது நமது நாடாளுமன்ற இருக்கைகள் அரை வட்ட வடிவில் அமைந்துள்ளதை கவனித்திருப்பீர்கள். அதில் 4 டிவிஷன்களாக உள்ளது எனில், ஒவ்வொரு டிவிஷனாக அவர்கள் முன் இருக்கும் மூன்று பொத்தான்களில் (Yes, No, Abstain)

ஒன்றை அழுத்துவார்கள். அந்த முடிவுகள் அப்போதே எதிரில் இருக்கும் திரையில் தெரியும். டிவிஷன் வாரியாக முடிவுகள் தெரிவதால், முழுமையான முடிவுகள் இறுதியில்தான் தெரியும். (அதனால்தான், 100 உறுப்பினர்கள் குறையுதே! எங்கே போனார்கள்? எனும் ஐயம் சிலருக்கு வருகிறது.,)

இறுதியில் வாக்கெடுப்பின் முடிவை சபைச் செயலாளர் கொண்டு சென்று சபாநாயகரிடம் தருவார். அவர் அதை ஏற்றுக் கொண்டால், முறைப்படி அறிவிப்பார். உறுப்பினர்கள் யாரும் அதை ஆட்சேபித்தால் மீண்டும் வாக்கெடுப்பு நடக்கும். இப்படி ஒரு முறைக்கு பல முறை நடந்துள்ளது.
இந்த மசோதா தாக்கல், விவாதம்,

வாக்கெடுப்பு எனும் வரிசைக்கு எந்த நேரக்கெடுவும் கிடையாது. வழக்கமான மசோதாக்கள் 1 மணி நேர இடைவெளிக்குள் இந்த மூன்றும் நடத்தி முடிக்கப்படும். முக்கிய மசோதாக்களுக்கு இதே ப்ராசஸ் மூன்று, நான்கு நாட்களும் ஆகும்.
இப்போது ராஜ்யசபையில் #CABBill தாக்கல் ஆகிக் கொண்டிருக்கிறது. இன்று இரவு

வரை விவாதம் நடக்கும். அது முடிந்தால் இன்று இரவே வாக்கெடுப்பு நடக்கும். அல்லது நாளையும் விவாதம் தொடர்ந்தால், வாக்கெடுப்பும் நாளை தள்ளிப் போகும்.
நேரமும், வாய்ப்பும் இருப்பவர்கள் இன்றைய ராஜ்யசபை நடவடிக்கைகளை தொலைக்காட்சியில் பாருங்கள். ஒரு தெளிவும், புரிதலும் கிடைக்கும். 👍