Thread by @skpkaruna

#thread ரொம்ப நீளமா இருக்கும்! வெட்டியா இருப்பவங்க மட்டும் படிங்க.

“டயர் சக்கரம், எலுமிச்சை பழம் மற்றும் ஹிந்து மதம்”.

சக்கரம் கண்டு பிடிச்ச காலத்துலேயே எலுமிச்சைபழம் இருந்திருக்கும்! ஹிந்து மதம் (எந்த மதமும்!) இருந்திருக்குமான்னு தெரியலை! ஆனா, சக்கரம் நகரும் முன் அதனடியில்

எலுமிச்சை பழத்தை வைக்கணும் என்பதைக் கண்டுபிடிச்சவன் நிச்சயம் நம்ம ஆளாதான் இருப்பான்.

எனக்கு விவரம் தெரிந்த நாளில் இருந்து நான் எங்க லாரி, பஸ்களின் டயர்களுக்கு அடியில் எலுமிச்சை வைத்துக் கொண்டிருக்கிறேன். இன்ஃபாக்ட் சின்ன வயதில் எனக்கு ரொம்ப பிடிச்ச வேலை டயர்களுக்கு அடியில்

எலுமிச்சை பழம் வைப்பதும், பாடி முழுக்க மூன்று விரலால் லாவகமாக சந்தனம் தெளிச்சு, அதன் மேலே அழகா குங்குமம் இடுவதும்தான்.. எத்தனை வண்டிகள் வரிசையாக வந்து நின்றாலும் சலிக்காமல் ரசிச்சு செய்வேன். அதிலும், பூஜை முடிந்து வண்டியை நகர்த்தும்போது, எலுமிச்சை நசுங்கி ஓரிரு துளி மேலே

பளிச்சுன்னு அடிக்கும்போது பார்க்க அத்தனை அழகா இருக்கும். வண்டி நகர்ந்தவுடன் ஆறு எலுமிச்சையும் ஒழுங்கா நசுங்கியிருக்கான்னு பார்ப்பதில் ஒரு திருப்தி!

விவேக் படத்தில் “ஏண்டா! உள்ளே இருக்கும் ஒம்பதாயிரம் பார்ட்ஸ்லே ஓடாத வண்டியா இந்த ஒத்தை எலுமிச்சம்பழத்துலே ஓடப்போகுது?”என கேட்டபோது

ரசிச்சு கைத்தட்டினாலும், எலுமிச்சை பழத்தை டயருக்கு அடியில் இட்டு நசுக்கும் அந்த அற்புத வழக்கத்தை மட்டும் தமிழகம் கைவிடவேயில்லை.

ஜஸ்ட் முந்தா நாள் ஆயுதபூஜையின் போது கூட எங்க கம்பெனியில் சில கூடை எலுமிச்சைகள் நசுக்கப்பட்டன. எங்களோட முஸ்லீம் டிரைவர்கள் கூட தத்தமது லாரிகளுக்கு பூஜை

போட்டுட்டு, எலுமிச்சையை நசுக்கிட்டு, நேரா காளிக்கோவிலுக்கு முன் வண்டியை நிறுத்தி பூசணியை சுத்தி உடைச்சுட்டு, அப்படியே ஒரு கிரிவலம் போய் வந்துதான் ஷெட்லே வண்டியை நிறுத்துவாங்க. காலம்காலமாக தமிழகத்தில் இப்படித்தான் தொழிலுக்கு முன்னுரிமை கொடுத்து, மத்தவங்க நம்பிக்கைக்கு மதிப்புக்

கொடுத்து நம்மோட வாழ்க்கை போயிட்டு இருந்தது.

வடக்கத்திய சங்கிகள் இதில் உட்புகுந்து குழப்பியடிக்கும்வரை அது ஒரு சடங்கு. அவ்வளவுதான். அதை ஹிந்துமதச் சடங்கு என சமூகவலையில் சில பல சங்கிகள் உரிமை கொண்டாடும்போது சிரிச்சுட்டு கடந்து போக வேண்டியதா இருக்கு.

சரி! அதை விடுவோம். இன்றைய டாபிக் ரஃபேல் போர்விமானத்துக்கு எலுமிச்சை பழம் வச்சதுதானே.. அதுக்கு வருவோம். டயர் இருக்கும் எந்த வாகனத்துக்கு அடியிலும் எலுமிச்சை பழம் வைத்து நசுக்கிட வேண்டும் எனும் கொள்கையில் நான் உறுதியாக இருப்பதால், இந்தச் செயலை நான் வரவேற்கிறேன்.

15 லட்ச ரூபாய் லாரிக்கே ஆறு டயர் உள்ளபோது, 1650 கோடி ரூபாய் கொடுத்து வாங்கப்படும் ரஃபேலுக்கு வெறும் மூன்றே டயர் மட்டுமே இருப்பதைக் காண ஆயாசமாக இருக்கிறது. என்னைப் போலவே ஆசை ஆசையாக எலுமிச்சை நசுக்கப் போன நமது பாதுகாப்பு அமைச்சரின் மனசு அதைக் கண்டு எத்தனை பாடுபாட்டிருக்கும் என்பதை

என்னால் முழுமையாக உணர முடிகிறது. ஒரு பெண்ணோட மனசை.. ச்சை.. ஒரு எலுமிச்சை நசுக்கியின் மனசை இன்னொரு எலுமிச்சை நசுக்கியால்தான் புரிந்து கொள்ள முடியும்.

அடுத்த வருஷம் இந்தியாவுக்கு வரப்போகும் விமானத்துக்கு, இப்பவே ஃப்ரான்ஸ் போய் எலுமிச்சை நசுக்க வேண்டிய அவசியம் என்னன்னு

சில சில்லி பாய்ஸ் கேட்கிறாங்க! என்ன செய்ய? தேர்தல ஆணையம் இந்த மாசமே மஹாராஷ்டிரா, ஹரியானா தேர்தலை வச்சுட்டாங்களே! வழக்கமா தேர்தல் பிரசாரத்தை பாகிஸ்தான் பார்டரில் செய்யறதுதான் வழக்கம். எவ்ளோ இழுத்தாலும் இம்ரான்கான் சண்டைக்கு வராததாலே, ஒரு சேஞ்சுக்கு ஃப்ரான்ஸ் போய் பூஜை போட

வேண்டியதா போச்சு.

தனிநபர் மதச்சடங்கு செய்வதும், அரசே முன்னே நின்று ஒரு மதத்தோட சடங்குகளை செய்யறதும் ஒன்றான்னு சிலபேர் கத்துவாங்க! குறிப்பா தமிழ்நாட்டுலே இந்தச் சத்தம் அதிகமாவே கேட்கும். அது அவங்க குத்தமில்லை! அப்படி அவங்களை சில பெருசுங்க தயார் பண்ணிட்டுப் போயிருக்குங்க.

அமெரிக்கா போர் விமானத்துலே சிலுவை போட்டிருக்கு! இஸ்ரேல் விமானத்துலே யூத சின்னம் வரைஞ்சிருக்கு! சவுதி விமானத்துலே நட்சத்திரம் குறி இருக்கு! இந்திய விமானத்துலே ‘ஓம்’ குறி இருந்தா மட்டும் குய்யோ முய்யோன்னு கத்துறீங்களே! ஹிந்து என்றாலே எளக்காரமான்னு ஒரு அறிவாளித்தனமான கேள்வி வேற!

அமெரிக்கா கிருஸ்துவ நாடு! இஸ்ரேல் யூத நாடு! சவுதி இஸ்லாமிய நாடு.. அதனாலே அவங்க அப்படி போட்டுக்கிறாங்க.. நம்மோடது மதச்சார்பற்ற நாடாச்சே., அது போல ஒற்றை மதக் குறியை மட்டும் போடறது தப்புதானேன்னு நாமும் பதில் சொல்லலாம்தான்! ஆனா அது அந்த மண்டைகளுக்குப் புரியாது. சோ நம்ம டைம் வேஸ்ட்.

சரி! வாங்கப் போற 56 விமானங்களில் மதவாரி ஜனத்தொகைக் கணக்குக்கு ஏத்தாற் போல 40 விமானங்களில் ஓம் போட்டுக்கிட்டு, மீதி விமானங்களில் நட்சத்திரம், சிலுவை, கண்டா (சீக்கியர்) போட்டுக்கோங்கன்னு பெருந்தன்மையா சொல்லுவாங்களான்னு பார்த்தால், அதுவும் கிடையாதாம்!

சின்னதா ஒரு ஆர்டினென்ஸ் போட்டு, இந்தியாவை ஹிந்து நாடா மாற்றிட போறதா ஒரு சங்கி எகத்தாளமா சொல்லுது! சரி.. அதையாவது செய்ங்கப்பா.. நீங்க முடிவு பண்ணிட்டா என்ன பண்ண முடியும்? நடத்துங்க..
ஆனா, இந்தியா ஹிந்து நாடா மாறினப்புறம், நிம்மதியா உங்க விருப்பத்துக்கு எத்தனை எலுமிச்சை, தேங்காயும்

வச்சும் நாடு நாடா போய் பூஜை போட்டுக்கலாம்னு மட்டும் நினைக்காதீங்க!

அப்படி அரசு முறைப்படி பூஜை போடணும்னு முடிவானால்,
கபாலீஸ்வரர் கோவிலில் இருந்து ஐயரை வரவழைச்சா, பார்த்தசாரதி கோவிலிருந்து பட்டரையும் வரவழைச்சாகணும்.

கூடவே எங்க பாடிகார்டு முனீஸ்வரன் பூசாரி தட்டை எடுத்துட்டு வந்து

கருப்புக் கயிறை ரஃபேல் பைலட்டுக்கு முன்னாடி இருக்கும் ரியர்வியூ மிரர்லே கட்டியாகணும்.

ரஃபேலுக்கு நீங்க ஒரு பக்கம் சர்க்கரை பொங்கல் வைங்க!

இன்னொரு பக்கம் மலையனூர் அங்காளம்மன் கோவில் பூசாரி கருவாட்டுக் கொழம்பு வைக்கட்டும். எதிரில் பாண்டிக் கோவில் கெடா வெட்டும், பின் பக்கமா

மாசாணியம்மன் கோவில் கோழி அறுப்பும் விமர்சையா நடந்தாகணும் பார்த்துக்கோங்க..

பூஜை முடிஞ்சு யாருக்கு என்ன விருப்பமோ அந்தந்தப் பிரசாதத்தை அவங்கங்க சாப்பிட்டு கிடட்டும். அதுலே யாரும் தலையிடக்கூடாது. சரியா?

இந்தியா ஒரு ஹிந்து நாடானால்(!), இப்படி ஒவ்வொரு ஹிந்துவின் உணர்வுகளுக்கும்,

பழக்க வழக்கங்களுக்கும் மதிப்பளித்து நாம ஆசை ஆசையாக வாங்கிடும், வாங்கப் போகும் போர் விமானங்களுக்குச் சிறப்பாக பூஜை போட்டுக்குவோம்!

போர் வந்தால் வெல்வோம்.

அதுவரை போரடிச்சா, நம்ம விமானத்தை நாமே சுட்டுக் கொள்வோம்.👍

ஜெய் ஹிந்த்.