Thread by @AdityaGund

ओलाची राईड सुकर होणार का?
आठवडाभरापूर्वी ओलाने आपली बहुचर्चित इलेक्ट्रिक स्कुटर लॉंच केली. ही गाडी लाँच होण्याआधीपासूनच त्याबद्दल मीडियामधून मोठा हाईप बनवण्यात आला होता. ओला इलेक्ट्रिकचा मालक भाविश अगरवाल स्वतः या प्रोजेक्टमध्ये जातीने लक्ष घालून होता,आहे.
#म #मराठी #OlaElectric

याआधी तामिळनाडूमध्ये असलेल्या आपल्या फ्युचर फॅक्टरीच्या पायाभरणीपासून ते पहिली गाडी असेम्बली लाईनवरून बाहेर पडण्यापर्यंत प्रत्येक अपडेट आपल्या भविष्यातील ग्राहकांपर्यंत पोहोचेल अशी काळजी ओलाने घेतली.
#म #मराठी

ओलाची गाडी मार्केटमध्ये येण्याआधी इलेक्ट्रिक गाड्या भारतीय बाजारपेठेत नव्हत्या का? तर होत्या. एथर एनर्जी, टीव्हीएस, बजाज या कंपन्या ओलाची गाडी येण्याआधी बराच काळ इलेक्ट्रिक गाड्या विकत आहेत.तरीही ओलाने अशी काही हवा केली की जणू ही भारतातील पहिली इलेक्ट्रिक स्कुटर असावी.
#म #मराठी

त्यात त्यांनी फक्त ५०० रुपये भरून गाडी बुक करण्याची सुविधा उपलब्ध करून दिली. ही मूव्ह ओलासाठी चांगलीच यशस्वी ठरली.
गाडी लाँच करण्याआधीच ओलाकडे तब्बल १ लाख गाड्यांचे बुकिंग झालेसुद्धा होते. मार्केटमध्ये नव्याने येणाऱ्या एखाद्या कंपनीसाठी हा आकडा आणि
#म #मराठी

ही वाटचाल निश्चितच स्वप्नवत आहे. ओलाने ते करून दाखवले आहे. मात्र हे असेच सुरु राहील का? भारतीय इलेक्ट्रिक स्कुटर मार्केटचा जास्तीत जास्त शेअर आपल्याकडे वळवण्यात ओला यशस्वी ठरणार का? सध्यातरी याचे उत्तर नाही असे आहे.
#म #मराठी

भारतातील आघाडीची दुचाकी कंपनी हिरो मोटोकॉर्प आता या मार्केटमध्ये उतरण्यास सज्ज आहे. हिरो गेली २० वर्षे सातत्याने सर्वाधिक दुचाकी बनवणारी जगातली पहिल्या क्रमांकाची कंपनी आहे हे इथे विसरून चालणार नाही. जग बदलले की आपणही बदलावे या न्यायाने
#म #मराठी

आता हीरोनेसुद्धा इलेक्ट्रिक स्कुटर मार्केटमध्ये उतरण्याचे ठरवले आहे. यासाठी हिरो तैवानची गोगोरो या कंपनीसोबत जॉईंट व्हेंचर करते आहे. ओला, एथर यांच्या गाड्या चार्जिंगसाठी चार्जिंग स्टेशनला नेणे क्रमप्राप्त असणार आहे.
#म #मराठी

हिरो मात्र बॅटरी स्वॅपिंगचीसुद्धा सोय आपल्या गाडीत देणार असल्याची वदंता आहे.

हिरो ही एक अशी कंपनी आहे की जिची ओलाला भीती वाटणे गरजेचे आहे. का? हिरो भारतामध्ये १९८४ पासून आहे. कंपनीचे सध्या एकूण ६ मॅन्युफॅक्चरिंग प्लॅंट आहेत. हिरो सध्या दर वर्षाला १ कोटी १६ लाख गाड्या बनवते.
#म

एवढ्या मोठ्या प्रमाणात प्रॉडक्शन कपॅसिटी असल्याने कंपनी प्रॉडक्शन कॉस्ट आटोक्यात ठेवू शकते. हे केल्याने आपल्या प्रॉडक्ट्सची किंमत अधिकाधिक वाजवी लावून मार्केट शेअर मिळवू शकते.

ओलाने आल्या फ्युचर फॅक्टरीच्या व्हिडिओमध्ये प्रॉडक्शन कपॅसिटी वर्षाला १ कोटी गाड्या एवढी
#म #मराठी

असणार असल्याचा दावा केला आहे. या फॅक्टरीचे बांधकाम पूर्ण होऊन १००% क्षमेतेने तिथे मॅन्युफॅक्चरिंग सुरु झाल्यानंतरचा हा आकडा आहे. अर्थात हा आकडा गाठण्यासाठी त्यांना किती वेळ लागतो हे पहावे लागेल. ओलाकडे हा आकडा गाठण्यासाठी लागणारे आर्थिक पाठबळ निश्चितच आहे.
#म #मराठी

पण फक्त तेवढ्यावर काम चालणार नाही.

इलेक्ट्रिक गाड्यांमध्ये सुरुवातीची इन्व्हेस्टमेंट जास्त असते. गाडी विकत घेतल्यानंतर ती चालवणे आणि मेंटेन करणे यासाठी तुलनेने बराच कमी खर्च येतो. ठराविक काळानंतर बॅटरी बदलणे हा एक मोठा खर्च वगळल्यास
#म #मराठी

इलेक्ट्रिक स्कुटरला तसा फार खर्च नाही. हिरो इथे गेमचेंजर ठरू शकेल. भारतीय ग्राहकांच्या मनात १ लाख या आकड्याचं एक मानसिक दडपण आहे असे मला वाटते. १ लाखाची दुचाकी विकत घेणे हा विचार अजूनही अनेकांना तितकासा व्यवहार्य वाटत नाही. त्यापेक्षा थोडं थांबून,
#म #मराठी

पैसे जमवून एखादी सेकंड हँड कार घेऊ असाही एक मतप्रवाह असतो.

तरुण मुलं, शहरातले ग्राहक सोडले तर टियर २ आणि ३ शहरांमधले बहुसंख्य ग्राहक १ लाख ह्या आकड्याचं दडपण बाळगणारे असतात. ओलाच्या गाडीची किंमत ९९,९९९ एवढी आहे. हिरोने यापेक्षा १०,००० रुपये कमी किंमत लावली तरी भारतीय
#म #मराठी

ग्राहक हिरोची गाडी विकत घेण्याला प्राधान्य देतील. १०% प्रिमियम ही तशी तुलनेने बरीच मोठी रक्कम आहे. अर्थात हिरोच्या गाडीची किंमत किती असेल हे अजूनही स्पष्ट नाही. त्याआधी ओलाने मार्केट शेअर मिळवला तर हिरोला तो तोडणे तितकेसे अवघड जाणार नाही.
#म #मराठी

हिरो गेली २० वर्षे मार्केट लीडर तर आहेच शिवाय प्रॉफिट मेकिंग कंपनी आहे. जून २०२१ च्या तिमाहीत कंपनीने ५४८७ कोटींचा महसूल नोंदवला. याच तिमाहीत कंपनीचा नफा ३६५ कोटी होता. मार्च २०२१ अखेर कंपनीकडे जवळपास १७० कोटी रुपयांचा कॅश बॅलन्स आहे.
#म #मराठी

भारतात कंपनीच्या ६००० हून अधिक डिलरशिप आहेत. नवी गाडी लाँच करताना या नेटवर्कचा हिरो सहज वापर करून घेऊ शकते.

दुसरीकडे ओला ही एक लॉस मेकिंग कंपनी आहे. २०१९ आर्थिक वर्षात कंपनीचा तोटा २५०० कोटी रुपये एवढा होता. शिवाय कंपनी प्रोफीटेबल काही एका तिमाहीत होत नाही.
#म #मराठी

त्यामुळे ओलापुढे हे एक मोठे प्रश्नचिन्ह आहे. ओलाकडे अजून स्वतःचे डीलर नेटवर्क नाही. आत्ता आलेल्या बुकींच्या गाड्या कंपनी थेट ग्राहकांच्या घरी पोहोचविणार आहे. हे जरी वरवर छान वाटत असले तरी आफ्टर सेल्स सपोर्टसाठी कंपनी काय करणार याबाबत
#म #मराठी

सध्या काही माहिती नाही. ते अर्थात त्यावर काम करत असणार.

हिरोकडे असलेले आर्थिक पाठबळ, डीलर नेटवर्क य गोष्टी कंपनीसाठी जमेच्या असल्या तरी एक मोठा प्रॉब्लेम कंपनीसमोर आहे. हा प्रॉब्लेम म्हणजे कंपनी आपल्या इलेक्ट्रिक स्कुटरसाठी 'हिरो' हे ब्रॅंडनेम वापरू शकणार नाही.
#म #मराठी

हिरो मोटोकॉर्पचे सीईओ पवन मुंजाल यांच्या चुलत भावाचा मुलगा नवनीत मुंजाल हा आधीच इलेक्ट्रिक स्कुटर मार्केटमध्ये उतरला आहे. त्याच्या कंपनीचे नाव 'हिरो इलेक्ट्रिक' आहे. मुंजाल घराण्याच्या २०१० मधील करारानुसार पवन मुंजाल यांना आपल्या गाडीसाठी हिरो इलेक्ट्रिक हे नाव वापरता येणार नाही.

भारतातील इलेक्ट्रिक स्कुटर मार्केटमध्ये हिरो इलेक्ट्रिकचा मार्केट शेअर किती आहे? तब्बल ३७%

हिरो इलेक्ट्रिक गेली काही वर्षे या मार्केटमध्ये असून त्यांचे स्वतःचे डीलर नेटवर्कसुद्धा आहे. याशिवाय आपल्या गाड्यांसाठी कंपनी सबस्क्रिप्शन मॉडेल, एक्सचेंज स्कीम,
#म #मराठी

एक्सटेंडेड वॉरंटी अशा आकर्षक योजना राबवते आहे.

हिरो मोटोकॉर्प काय करू शकते?
हिरो मोटोकॉर्पने काळाची पावले वेळेवर ओळखली असे म्हणावे लागेल. कंपनी २०१६ पासून एथर एनर्जीमध्ये इन्व्हेस्टमेंट करत आली आहे. सध्या एथर एनर्जीमध्ये हिरो मोटोकॉर्पचा जवळपास ३५% स्टेक आहे.
#म #मराठी

एथरने गेल्या २ वर्षांत या मार्केटमध्ये बरीच मजल मारलेली आहे. त्यांनी नवनवीन प्रॉडक्ट्स लाँच करण्याबरोबरच आपले डीलर नेटवर्क वाढविण्याकडेसुद्धा लक्ष दिले आहे. एथर सध्या भारतातील २७ शहरांमध्ये उपलब्ध आहे. या वर्षाच्या अखेरीस हा आकडा ४० वर नेण्याचा कंपनीचा विचार आहे.
#म #मराठी

ओलाने आपण इलेक्ट्रिक स्कुटर लाँच करणार असल्याची घोषणा केल्याचा फायदा एथरलाही झाला. देशातील नागरिकांमध्ये नकळतपणे इलेक्ट्रिक स्कुटरबद्दल जागरूकता निर्माण झाली. ओलाची स्कुटर आलीच नाही मग एथरची चालवून बघायला काय हरकत आहे? असा विचार करून अनेकजण एथरची टेस्ट राईड घेत आहेत.
#म #मराठी

मी स्वतः एथरची टेस्ट राईड घेऊन तो अनुभव लिहिला होता. ओलाच्या घोषणेमुळे एथरचे बुकिंग वाढण्यासाठी आणि त्यांचा मार्केटींग खर्च तुलनेने कमी झाल्याचे एथरचे सीईओ तरुण मेहता यांनीसुद्धा सांगितले. ना जाणो योग्य वेळ आल्यास हिरो एथरमधील आपला स्टेक वाढवून थेट कंपनीचं ताब्यात घेऊ शकते.
#म

हिरोकडे तेवढे आर्थिक पाठबळसुद्धा आहे. एथर हे ब्रॅंडनेम सध्यातरी भारतीय बाजारपेठेत प्रसिद्ध आहे. हिरो ते तसेच ठेवू शकते किंवा वेगळे नावही देऊ शकते. वरील सगळ्या घटकांचा विचार केला तर ओलाची ही राईड सध्या जरी सुकर वाटत असली तरी येणाऱ्या काळात ती खरोखर सुकर असेल का?
#म #मराठी