Thread by @AdityaGund

असे उभे राहिले 'जिओ'चे साम्राज्य 
भारतातील आघाडीची टेलिकॉम कंपनी रिलायन्स जिओचे ऑफिशियल लाँच सप्टेंबर २०१६ मध्ये झाले. त्याआधी एक दीड वर्षे जिओने बिटा लाँच केले होते. यावेळी रिलायन्सचे कर्मचारी, व्हेंडर्स, इतर पार्टनर्स यांना जिओचे सिमकार्ड देण्यात आले होते.
#म #मराठी #Reliance

रिलायन्ससारख्या प्रचंड समूहाचे आर्थिक पाठबळ असले तरी जिओ सुरु झाली ती एक स्टार्टअप म्हणूनच. सप्टेंबर २०१६ मध्ये ते सुरुवात, सुरुवातीचे काही क्वार्टर्स लॉस आणि २०१७ च्या तिसऱ्या क्वार्टरमध्ये थेट प्रॉफिटेबल असा जीओचा प्रवास झाला.
#म #मराठी #Reliance #JioPhoneNext

केवळ १८ महिन्यांत जिओ ही स्टार्टअप प्रॉफिटेबल नक्की कशी झाली? जिओने काय केलं?

आपल्या टेलिकॉम नेटवर्कचे जाळे सबंध भारतात पसरण्यासाठी जिओने अतिशय आक्रमक नियोजन केले. हे केबल नेटवर्क टाकण्यासाठी रिलायन्सने जवळपास ६०० हॉरीझॉन्टल डायरेक्शनल ड्रिलिंग मशिन्सचा वापर केला.
#म #Reliance

एकदा का हे नेटवर्क पडले की रिलायन्सने सुरुवातच फ्री सिमकार्ड, फ्री कॉलिंग आणि फ्री डेटाने केली. इथे एक बाब लक्षात घेतली पाहिजे की रिलायन्सने जेव्हा डेटा फ्री देण्याचे धाडसी पाऊल उचलले तेव्हा इतर कंपन्या एक जीबीसाठी २००-३०० रुपये चार्ज करत होत्या. #म #मराठी #Reliance #Jio

'फुकट ते पौष्टिक' तत्वाप्रमाणे जीओची ही चाल प्रचंड यशस्वी ठरली. किती? तर जिओने केवळ ८० दिवसांत ५ कोटी ग्राहकांचा टप्पा गाठला.

फ्री डेटा आणि कॉलिंग देऊन रिलायन्सने काय साधले?
एखादी गोष्ट फ्री आहे म्हटल्यावर ती घेणाऱ्यांची संख्या वाढली.
#म #मराठी #Reliance #Jio

फ्री आहे त्यामुळे डेटाचा वापर कोणताही विचार न करता सुरु झाला. पैसे द्यायचेच नाही म्हटल्यावर कोण कशाला नेट बंद ठेवेल? बरं तुमचा दिवसभराचा डेटा संपला की उद्या पुन्हा मिळणारच आहे त्यामुळे कुणाची काही तक्रार नव्हती.
#म #मराठी #Reliance #Jio

भले डेटा नीट चालत नसेल, कॉल ड्रॉप होत असतील पण तक्रार करणार कशी?आणि कुठल्या तोंडाने करणार? तुम्ही फ्री सर्व्हिस वापरताय म्हटल्यावर त्याची तक्रार कसली करताय? तरीही एखाद्याने तक्रार दाखल केलीच तरी ती किती वेळात सॉल्व्ह करायची यासाठी रिलायन्सवर कोणतेही बंधन नव्हते.
#म #Reliance

कारण ती फ्री सर्व्हिस आहे. यामुळे रिलायन्स आपली कमकुवत बाजू सुधारण्यासाठी पुरेसा वेळ मिळाला. एवढ्या मोठ्या संख्येने ग्राहक सेवा वापरत असताना या सगळ्याचे एक प्रकारे लाईव्ह टेस्टिंग रिलायन्स केले.
#म #मराठी #Reliance #Jio

यातून आपल्या इन्फ्रास्ट्रक्चरमध्ये काय सुधारणा आणल्या पाहिजेत हे कंपनी मॅनेजमेंटला लक्षात आले.

सवय
जिओने लोकांना फुकटच्या डेटाची सवय लावली. सवय नुसती लावून थांबले नाहीत तर ती लवकर मोडणार नाही, लोक माघारी फिरणार नाहीत अशी व्यवस्था केली.
#म #मराठी #Reliance #Jio

हे म्हणजे 'सगळे दोर कापलेत, आता माघारी फिरणे नाही' अशासारखं झालं. आत्तापर्यंत एअरटेल, व्होडाफोन सारख्या कंपन्या व्हॉइस कॉलिंग स्वस्त द्यायच्या किंवा दिवसातील ठराविक वेळेत फ्रीसुद्धा द्यायच्या. रिलायन्स मार्केटच्या विरुद्ध जात थेट डेटा फ्री दिला.
#म #मराठी #Reliance #Jio

ही मूव्ह त्यांच्यासाठी प्रचंड यशस्वी ठरली.

डिजीटलचा फायदा
याच दरम्यान नोटबंदी झाली. त्यावेळेपासून रोख रकमेचा वापर तुलनेने कमी झाला. अजूनही मोठ्या प्रमाणात कॅश ट्रान्झॅक्शन होतात. मात्र डिजीटलचे प्रमाण वाढत आहे हे नाकारून चालणार नाही.
#म #मराठी #Reliance #Jio

जिओ नेमकी याच वेळी ग्राहकांच्या सेवेत होती आणि तेही फुकट डेटा देऊन.

इथपर्यंत आल्यावर जिओने आणखी एक चाल खेळली. त्यांनी डेटासाठी पैसे आकारायला सुरुवात केली. पण हे पैसे खूप होते का? अजिबात नाही.
#म #मराठी #Reliance #Jio

त्यामुळे आधीच डेटा वापराची सवय लागलेल्या लोकांना रिचार्जचे पैसे देण्यात फार खर्च होतोय असे वाटले नाही. याचा फायदा साहजिकच जिओला होत २०१७ मध्ये कंपनीने प्रॉफिट कमावला. २०२० आर्थिक वर्षात जिओने तब्बल ५५०० कोटींचा नफा कमावला.
#म #मराठी #Reliance #Jio

इथून पुढे?रिलायन्सचे सर्वेसर्वा मुकेश अंबानी यांनी वेळीच डिजीटल हेच भविष्य असणार हे जाणले आणि त्या दिशेने पावले टाकली. पण हे करताना फक्त सुरुवात टेलीकॉममधून करायची हे त्यांनी आधीच ठरवले होते. त्यानुसार जिओ लाँच, फ्री डेटा हे केले गेले.
#म #मराठी #Reliance #JioPhoneNext

यातून रिलायन्सला एक डिजीटल इकोसिस्टिम बनवण्यासाठी तयारी केली गेली.

रिलायन्सकडे सध्या या इकोसिस्टिमसाठी काय काय आहे?जिओ टीव्ही, जिओ न्यूज, जिओ सावन, जिओ सिनेमा, जिओ क्लाऊड, जिओ हेल्थ हब हे आणि इतर अनेक ऍप्स जिओकडे आहेत.
#म #मराठी #Reliance #Jio

याशिवाय हाथवे, डेन नेटवर्क, हॅप्टीक, रॅडीसीस, न्यूज अशा अनेक कंपन्यांमध्ये त्यांची गुंतवणूक आहे.

आता जिओ स्वतःच्या स्वस्तातल्या फोनचे ऍडव्हान्स व्हर्जन लाँच करते आहे.
#म #मराठी #Reliance #JioPhoneNext

भारतात सातत्याने वाढत असलेले ओटीटी प्रस्थ, सतत बदलत असलेल्या सवयी, डिजीटल पेमेंट्स, वाढत असलेलं ई-कॉमर्स, वाढत चाललेला डेटाचा वापर, टियर २ आणि ३ शहरांमध्ये विस्तारासाठी असलेला भरपूर वाव हे सगळे मुद्दे विचारात घेतले तर जिओ पुढच्या ७-८ वर्षांत आणखी काय काय करू शकते?
#म #Reliance