Thread by @KTMite

देश दर्शन ! #Thread #VisitNepal #VNY2020 #Lumbini #Kapilvastu

आउनुस् लुम्बिनी-कपिलवस्तु क्षेत्रमा कुन-कुन ठाउँ घुम्ने भनेर एउटा धागो बुनम् !

लुम्बिनी पबित्र उद्यान:
मुख्य आकर्षण मायादेवी मन्दिर, अशोक स्तम्भ र पुष्करिणी पोखरी | मायादेवी मन्दिर भित्र भगवान बुद्ध जन्मेको स्थल जनाउने 'Marker Stone' र जन्मेको अबस्था चित्रण गर्ने 'Nativity Sculpture' मुख्य आकर्षण हुन् | अशोक स्तम्भ बुद्ध लुम्बिनीमा जन्मेको प्रमाण हो |

बिहार क्षेत्र:
बिहार क्षेत्रलाई दुइ भागमा बाँडिएकोछ | पूर्वी क्षेत्रमा थेरावाद बुद्धिष्ट बिहारहरु छन् थाइल्याण्ड, म्यानमार, श्रीलंकाका बिहारहरु निकै आकर्षक छन् | केहि बिहारहरु निर्माणकै क्रममा छन् |
तस्विर: म्यानमारको बिहार

गुरु योजनाको अनुसार पश्चिम बिहार क्षेत्रमा १४ वटा माहायान बिहार बन्नेछन् | याहाँ जर्मनि, चिन, सिंगापुर लगायतक देशहरुमा रेहका बुद्धिष्ट संस्थाले बनाएका बिहारहरु छन् |
तस्विर: जर्मन गुम्बा

लुम्बिनीमा अर्को आकर्षण भनेको विश्व शान्ति द्विप र नहर हुन् | नहरमा नौका बिहारको आनन्द समेत उठाउन सकिन्छ |

कपिलवस्तु क्षेत्रमा मुख्य आकर्षण भनेको प्राचिन तिलौराकोट दर्बारको भग्नाबशेष हो | पछिल्ला बर्षहरुमा गरेको पुरातात्विक अध्ययनहरुले सिद्धार्थ गौतमले जीवनको २९ बर्ष यति ठाउँमा बिताएको बन्ने पर्याप्त प्रमाणहरु प्राप्त भएको देखाएकाछन् |

कुदान कपिलवस्तु क्षेत्रमा अर्को आकर्षण | बुद्धत्व प्राप्त गरेपछि सिद्धार्थ गौतमले आफ्नो बाबु-आमालाई पहिलो चोटी यहि ठाउँमा भेटेको बिश्वास गरिन्छ | बौद्ध अनुयायीहरु कुदानलाइ प्राचिन नियोग्रधराम भनेर बिश्वास गर्छन् | यहाँ तिनवटा प्राचिन स्तुप र पोखरीको भग्नाबशेष देख्न सकिन्छ |

गोटीहवा कपिलवस्तु क्षेत्रको अर्को प्राचिन स्थल हो | तौलिहवाबाट पांच किमी दुरीमा रहेको यस ठाउँलाइ क्रकुचन्द बुद्धको जन्म र ज्ञान प्राप्त स्थलको रुपमा लिइन्छ | अशोक स्तुप र क्रकुचन्द बुद्धको नाममा बनाइएको स्तुपको भग्नाबशेष यहाँको मुख्य आकर्षण हुन् |

निग्लिहवा कपिलवस्तु क्षेत्रको अर्को महत्वपूर्ण सम्पदास्थल हो | तौलिहवाबाट ७ किमी दुरीमा रहेको यस स्थललाइ कनकमुनि बुद्धको जन्मस्थल मानिन्छ | सम्राट अशोकले स्तम्भ गाडेर यस स्थललाइ कनकमुनि बुद्धको जन्मस्थल भनेर परिचय गराएका थिए | भाँचिएको सो स्तम्भ निग्लिहवामा देख्न सकिन्छ |

अरोराकोट:
निग्लिहवा बाट लगभग डेढ किमी दुरीमा रहेको अरोराकोट लाइ कनकमुनिको जन्मस्थलका रुमपा चिनिन्छ | यो चतुर्भुज आकारमा रहेको खालि स्थल हो | यसको वरिपरी लगाइएको इँटाको पर्खालको भग्नाबशेष अझै पनि देख्न सकिन्छ |

सगरहवा:
तौलिहवाबाट ११ किमि दुरीमा रहेको सगरहवा कपिलवस्तु क्षेत्रको अर्को सम्पदा हो | राजा बिरुधकले शाक्यहरुको नरसंहार यहीं गरेको मानिन्छ | लुम्बुसागरका नामले पनि चिनिने यो ठाउँमा एउटा पोखरी छ जसको किनारमा शाक्यहरुको सम्झनामा बनाइएका सयौं स्तुपहरुको भग्नाबशेष देख्न सकिन्छ |

धम्नीहवा स्तुप:
तिलौराकोट दरवार भग्नाबशेष छेउमा बाणगङ्गा खोला किनारमा दुइ स्तुपको भग्नाबशेष छ | यो ठाउँलाइ धम्नीहवा नामले चिनिन्छ | दुइ स्तुप राजा शुद्धोधन र रानी मायादेवीको सम्झनमा बनाएको बिस्वास गरिन्छ | यो क्षेत्र सन् १९६० को दशकमा उत्खनन गरिएको हो |

जगदीशपुर ताल:
बौद्ध धर्म र बुद्ध जीवनसंग कुनै सम्बन्ध नभए पनि यो ताल कपिलवस्तु पुग्दा घुम्नै पर्ने ठाउँ हो | १५७ हेक्टर क्षेत्रफलमा फैलिएको यो कृत्रिम ताल तौलिहवाबाट ११ किमी दुरीमा रहेकोछ | पन्छी अवलोकनका लागि नेपालकै एक महत्वपूर्ण सिमसार क्षेत्र हो जगदीशपुर ताल |

रामग्राम:
नवलपरासीको रामग्राममा अबस्थित रामग्राम स्तुपलाइ बुद्ध जीवनसंग जोडिएको एक महत्वपूर्ण स्थलक रुमपा चिनिन्छ | याहाँ रहेको घाँसे माटोको ढिस्को प्राचिन रामग्राम स्तुप रहेको बिश्वास गरिन्छ | रामग्राम स्तुप बुद्धको अस्तुधातु राखेको आठ वटा स्तुप मध्ये एक मानिन्छ | ++

++
सम्राट अशोकले भारतमा रहेका अरु सातवटा स्तुप खनेर अस्तुधातु निकालेर विश्वभरि बाँडे पनि रामग्रामको अस्तुधातु अझै पनि पुरानै अबस्थामा रहेको बिश्वास गरिन्छ |

#Ends