Thread by @FestoNgadaya

#FahamuNaFesto | Mohammed Iqbal Dar.
Mshindi na mbunifu wa jina "Tanzania" katika mashindano yaliyotangazwa mwaka 1964 akiwa kijana wa miaka 18 tu akisoma shule ya sokondari Mzumbe mkoani Morogoro.

Baada ya muungano mwaka 1964 serikali ilikusudia kutangaza mashindano ya ubunifu wa kutafuta jina litakalotumika baada ya muungano.

Mohammed alisema nanukuu "Wakati huo nilikua maktaba nikisoma gazeti la Standards (sasa Daily News) nikaona tangazo la shindano hilo...

...Nikiwa na karamu na karatasi nilimuomba Mungu kisha nikafanya majaribio pasipo kushirikisha familia yangu" mwisho wa kunukuu.

Ilimchukua dakika 5 tu kupata jina "TanZan" ikiwa ni muunganiko wa "Tan" (Tanganyika) na "Zan" (Zanzibar).

Baada ya kupata jina Tanzan bado aliona haitoshi na haijakamilika vizuri ndipo alipogundua nchi nyingi za Afrika zinaishia na (-ia) mfano: Ethiopia, Gambia, Tunisia, Nigeria, Algeria, Somalia, Zambia, Namibia na nyingine nyingi.

Baada ya kumalizia na kupata jina Tanzania pasipo kumshirikisha mtu wa familia yake alituma maombi yake katika shindano hilo.

Muda wa kutangaza mshindi ulipofika familia yake ilipokea barua kutoka wizarani ikielezea pongezi kwa kijana huyu kwani ndiye aliyepatikana mshindi.

Kuna stori na baadhi wanaamini kuwa ile "ia" iliyoongezewa katika TanZan imetokana na Iqbal kupata "i"ambalo ni jina lake na "a" kutoka katika jina la Jumuiya yake ya Ahmadiya.

Alitunukiwa ngao pamoja na fedha kiasi cha Tsh 200 (kwa miaka ya 1964 ilikua pesa nzuri tu).

Mpaka leo Iqbal amekua shujaa asiyesikika katika vinywa vya watanzania, Wengi tumekua hatumfahamu na hatumuongelei katika historia ya Taifa letu la Amani Tanzania.