Thread by @PoriJr

Thread: (Toka kupendwa hadi Shemeji).
Mnamo mwaka 2002, Noya alikuwa form 1 katika shule ya sekondari Kihonda mkoani Moro. Alipoishi kulikuwa na binti anayeitwa Deborah, akiwa darasa la 6. Familia zao zilikiwa marafiki, Deborah kwao walikuwa watatu, na wadogo zake 2 wa kike.
👇🏾

Mdogo wake Deborah anaitwa Doreen, alikuwa anapenda kumuita Noya mchumba kipindi hicho. Doreen alikuwa hadi analia sana akiambiwa asimuite Noya mchumba, hadi wakamwelewa wakamzoea. Noya hakujali sana, ila yeye alikuwa kampenda Deborah. Kutokana na mazingira hakuweza kumwambia.
👇🏾

Noya akiwa form 2, Deborah walihamia Ifakara. Lilikuwa pigo zito kwa Noya Ila hakukata tamaa. Kwakuwa Deborah alikuwa anasoma Moro basi alirudi kuendelea na shule akikaa kwa ndugu. Debora akamaliza la 7 akafaulu akapangiwa Moro Sec, Noya alifurahi sana. Deborah akaanza form 1.
👇🏾

Wakati huo Noya yuko form 3, alimfuata Deborah Moro sec na kumwambia ya moyoni. Deborah alimjibu kuwa hawezi kuwa nae, Noya akakomaa kuwa sio lazima kusex wanaweza kuwa wapenzi hadi akiwa tayari, Deborah alikataa. Noya hakukata tamaa, zikapita wiki kadhaa akapanda tena hostel.
👇🏾

Akaendeleza mistari yake, akaendelea kugonga mwamba. Kusema ukweli Noya akaendelea kwenda huko hostel hadi akamaliza form4 lakini mambo magumu. Noya akaenda advance sekondari Kibaha, akiwa huko alikosa mawasiliano na Deborah. Noya Alimpenda sana Deborah kiasi kwamba hachoki.
👇🏾

Aliporudi likizo, Deborah alikuwa ameenda kwao. Baada ya wiki akarudi, Noya akapambana hadi wakaonana. Waliongea sana, Noya alikumbushia ila akakataliwa kama kawa. Hadi wanarudi mashuleni mambo magumu, Noya akiwa shule full mawazo. Noya akakaza akamaliza form 6 yake fresh.
👇🏾

Likizo ya kusubiria matokeo, Deborah alichaguliwa Mwanza Sec, Noya akampa materials yake atumie kusoma. Noya aliendelea kuwasiliana nae kwa kutumia simu sasa.
Noya alipata nafasi UDSM na mkopo 100%. Alianza shule yake, huku akiendelea kumpiga mistari Deborah bila mafanikio.
👇🏾

Akiwa mwaka wa pili Deborah alikuwa ndo amefanya mtihani wa form 6, Noya alimtafuta kwa lengo la kumuuliza kuhusu mtihani. Ila alijibiwa “Hivi wewe Kwanini huelewi, nishakwambia sikutaki, hunivutii na huna hadhi ya kuwa na Mimi, hebu nitokee kule”. Noya alibaki kaduwaa tu.
👇🏾

Kutokana na majibu yake, Noya aliamua kufunga kitabu cha Deborah rasmi na kuanza maisha mapya. Akiwa chuo mwaka wa 3, akaja kukutana na Doreen (mdogo wa Deborah) maeneo ya Moro. Kumbe Doreen alikuwa anasoma pia Moro Sec na alikuwa anaishi kwa yule ndugu yao. Doreen aliona aibu
👇🏾

Walisalimiana na kuulizana vitu kadhaa, kisha wakabadilishana namba. Doreen alikuwa kashasahau yale ya “mchumba wangu” maana walikuwa watu wazima. Noya akarudi chuo kumalizia last semester huku akiwasiliana Doreen vizuri tu. Siku zikapita, Noya akaanza kupata hisia kwa Doreen
👇🏾

Noya akarudi zake Moro baada ya chuo, akawa anapata muda mwingi wa kumtembelea Doreen. Noya akaja kuambiwa kuwa Deborah alipata div4 form6, muda huo anasoma certificate. Noya hakujali, badala yake alimfungukia Doreen kuhusu hisia zake. Doreen alizuga na kumwambia kuwa hawezi.
👇🏾

Noya alipatwa na pigo akahisi anazimia, maana Doreen alikuwa toto la maana na hakukubali kumpoteza pia. Noya alipambana sana, kwakuwa Doreen alikuwa anasoma pia Moro sec akaanza kupanda tena hostel kama kawa. Kama miezi 4 Noya akaanza kuona mambo mazuri yanakuja. Alitabasamu.
👇🏾

Miezi 2 mbele wakaanza kuitana wapenzi, Doreen akamaliza form 6 yake pia akaanza chuo Mzumbe. Noya alikuwa kwenye harakati za kutafuta kazi, na alikuwa hakauki kwenda Mzumbe kumuona mrembo wake. Mahaba yalikuwa moto hadi Deborah akaja kujua. Kibaya ni kwamba Deborah hakupenda.
👇🏾

Deborah akawa anaona jinsi Doreen akiwa na furaha, Noya alikuwa anaenda hadi Ifakara kumsalimia Doreen. Debora alijawa na wivu wa hali ya juu kiasi kwamba alimchukia Noya zaidi. Akafikia hatua ya kumwambia Doreen kuwa Noya alishawahi kumtaka na alimkataa, akamuuliza Noya.
👇🏾

Noya akasema ukweli kuwa aliwahi kumtaka Deborah, lakini alimkataa kweli na kwa dharau. Ila anachokifanya sasa hivi ni kutaka kuharibu uhusiano wetu kwa wivu wake. Doreen akamuelewa Noya yakaisha.
Noya akafanikiwa kupata kazi, akaanza kazi rasmi na baada ya miezi 2 mambo moto
👇🏾

Doreen akaanza kutolewa out, akapewa Zawadi Moto. Noya akanunua gari baada ya miezi 8, ndo akaanza kupiga visafari vya hapa na pale na Doreen Hadi mtoto akavurugwa kabisa kwa mapenzi.
Deborah hakuchoka kutia fitina zake na kuendelea kuwaharibia.
Siku moja wakiwa shereheni
👇🏾

Kaka yake Noya alikuwa anabatiza mtoto, kwakuwa familia ya Doreen walikuwa ni marafiki basi walialikwa. Wazazi hawakuweza kuja ila waliambiwa Doreen&Deborah wawawakilishe. Kwenye hiyo sherehe ndo Deborah akamuona Noya baada ya miaka kibao, alishangaa sana kiasi jamaa amechange
👇🏾

Deborah alipasukwa na moyo kiasi kwamba alishindwa kuzuia matamanio yake. Lakini chuki ilipanda baada kukumbuka yule ni mpenzi wa mdogo wake. Kiukweli Deborah aliteseka sana na kujutia Kwanini alimfanyia yale Noya kiasi kwamba hawezi hata kumuanza. Noya aliweka mipango...
👇🏾

Noya akaenda kujitambulisha kwa kina Doreen na Deborah akiwepo. Wazazi wa Doreen walifurahi sana kuona urafiki wa familia unageuka undugu. Furaha ile ilimuumiza zaidi Deborah maana aliwaza endapo angemkubalia Noya ingekuwa ni yeye anatambulishwa. Noya akamaliza ile ishu...
👇🏾

Baada ya mwaka Noya na Doreen walioana, wakaanzisha familia yao Moro. Deborah alipatwa na huzuni kiasi akawa hayuko sawa muda mwingine. Wazazi wake walijua anaumwa kwa kudhoofu, ila haumwi. Hadi sasa, Noya & Doreen wanawatoto 2, wote wako shule kali tu. Deborah bado yuko kwao.
👇🏾

FUNDISHO:
Usitukane mto kabla hujavuka Mamba😊. Hata kama humtaki mtu au hakuvutii, usimfanyie ubaya au kumdhalilisha. Hakuna ajuae kesho, ndo maana tunahimizwa kufanya wema kwa Kila mtu.
Wadada kwa wakaka, tukataliane kwa Amani bila lugha mbaya.
***Asante Sana***

@threadreaderapp unroll