Thread by @rashmi_shrikant

१९७० च्या दशकातील घटना आहे , मा. दत्तोपंत ठेंगडी राज्यसभेत खासदार होते , केरळ च्या एका कम्युनिस्ट माणसाने त्यांना एका चहापानाच्या वेळी विचारले ,

'What is the full form of RSS ? '
त्याचे उत्तर मिळाल्यावर पुढचा प्रश्न आला ,
'Who was the founder of it ?'
ठेंगडींनी डॉ. हेडगेवार हे नाव सांगितले त्यावर ते खासदारसाहेब कुत्सितपणे हसत म्हणाले ,
'I never heard his name ?'
ठेंगडी प्रचारक माणूस , शांत राहिले .

तिथेच पालाघाटचे श्री. मेनन उपस्थित होते , त्यांनी कम्युनिस्ट खासदाराला टोकले आणि ही चेष्टा योग्य नाही हे सांगितले , ऐकतील ते कम्युनिस्ट कसले ?
त्यावर मेनन म्हणाले '२ प्रश्नांची उत्तरे द्या पहिला पंडित नेहरू कधी वारले ?'
' मे १९६४'

'बरं ते गेले तेव्हा त्यांची किर्ती किती होती ?'
'अहो ते विश्वनेते होते , नासेर टिटो यांच्या सोबतचे होते.'
मग मेनन ठेंगडींकडे वळले आणि म्हणाले ,
'आपले डॉक्टर कधी गेले ? आणि त्यांना किती माणसे तेव्हा ओळखायची ?'

'जून १९४० , मध्य प्रांतातील लोक मुख्यत्वे डॉक्टरांना ओळखायचे' दत्तोपंत उत्तरले.
मग आता मला सांगा ,
'डॉक्टर नेहरूंच्या २४ वर्षे आधी गेलेत आणि पंडितजी अगदी अलिकडे , पंडितजी विश्वनेता तर डॉक्टरसाहेब केवळ मध्य प्रांतात परिचित,

मग आज जर नेहरूंच्या विचारासाठी समर्थनासाठी जगण्यास , मरण्यास , सर्वस्व देण्यास सांगितले तर किती जण तयार होतील ? आणि डॉक्टरांच्या विचारासाठी जगण्यास , मरण्यास , सर्वस्व देण्यास सांगितले तर किती जण तयार होतील ?

पंडितजींच्या विचारासाठी जगण्यासाठी संपूर्ण देशात ५० जण ही पुढे येणार नाहीत आणि डॉक्टरांच्या सिद्धान्तासाठी हजारो पुढे येतील , हे आपण सर्वच जाणतो' .
चर्चा बदलली होती ,

मग कम्युनिस्ट माणूस चिडला आणि म्हणाला , 'Then What is the criteria of one's greatness ?'
मेनन तत्क्षणी उत्तरले ' The length of one's shadow on future'.☺️आवडो नावडो पण ती Shadow , ती सावली किती मोठी आहे याची जाणीव सर्वांना आहे .

काल वर्षप्रतिपदा , आद्य सरसंघचालक पू. डॉक्टर हेडगेवार यांची जयंती !
त्यांच्या स्मृतींना विनम्र अभिवादन ...

उजाळिले तू तममय जीवन
संघयुगाचा शालिवाहन ...
शत शत अभिवादन ...
🙏🏻🙏🏻🙏🏻...

🖋️- शंतनु शरद पांढरकर
( संदर्भ : कार्यकर्ता - श्री. द. बा. ठेंगडी )

@threadreaderapp unroll