Thread by @KetansinhS

#threadstorytimes

#कृष्ण जन्मतो कारागृही

आषाढाचा पाऊस. एवढा प्रचंड पाऊस पडतोय. पण पहारा! तो अजूनच कडक! कारागृहावर अजून दासींनी आणि रक्षकांनी दाटी केली आहे! १+

हलगर्जीपणा नको म्हणून प्रत्येक प्रहराला सैनिक बदलत आहेत. देवकीने जरा काही खुट्ट केलं तरी कंसाला खबर जातेय. घटका भरत आली आहे! नऊ मास उलटून गेले आहेत! आज नववा दिवस.

आपल्या आधीच्या सात अपत्यांसारखं ह्याला देखील तो नीच कंस मारून टाकणार का? २+

नको तो विचारच नको! आता ही कुडी फक्त त्याच्या भक्तीसाठी खर्च करायची! त्याला जे उचित वाटेल ते तो करेल. दिवस सरला! सकाळ पासून पावसाने जोर धरला. गोरज मुहूर्तावर त्याला अजून उधाण आलं! एवढा धुवांधार पाऊस की अगदी दोन हातावरच काही दिसत नव्हतं! मधेच सोसाट्याचा वारा सुटायचा! ३+

पहाऱ्याची घोडी देखील गारठून गेली, सैनिकांच तर विचारूच नका! रात्र झाली तशी देवकीची अस्वस्थता वाढली. आपली अवस्था ती वासुदेवाला सांगत होती पण पावसाचा जोर एवढा वाढला की बाहेर ऐकूच जात नव्हतं! फक्त देवकी आणि वासुदेव दोघच एकमेकांच्या आधाराने होते! क्षणाक्षणाला आतुरता वाढत गेली! ४+

मध्यारात्र झाली! आणि देवकी प्रसूत झाली!

ते नाजूक, कोमल बाळ आपल्या हातात घेत दोघांनाही परम आनंद झाला! दोघांच्या त्यागावर आणि भक्तीवर प्रसन्न होऊन महाविष्णूने सगळी योजना समजावून सांगितली आणि वासुदेव निघाला! त्या तान्ह्याला एका टोपलीत घालून तो निघाला! पण पहाऱ्याच काय? ५+

छे! त्याची चिंता आपण करायची नसते! त्याच्या कार्यात कधीच कोणीच त्याला आडवं येऊच शकत नाही. असा तो वासुदेव निघाला..आणि पहिलं पाऊल कारागृहाबाहेर टाकणार तोच तो महाशेष येऊन त्यावर छत्र धरून राहिला..संपूर्ण अवतारकार्य पूर्ण होईपर्यंत...जन्मोजन्मी सखा, पूर्ण बंधू असे हा खरा!

©केतन सावंत

समाप्त @threadreaderapp unroll

#म #मराठी #श्री_कृष्ण_जन्माष्टमी #श्रीकृष्ण #Krishna #KrishnaJanmashtami2021 @iRutujaa