Thread by @iamrana

Sahir Ludhianvi on Nehru jis death

Jism ki maut koi maut nahin hoti
Jism mit jaane se insaan nahi mar jaate

Dharkanein rukne se arman nahin mar jaate
Saans tham jaane se ailaan nahin mar jaate

Hont jam jaane se farman nahin mar jaate
Jism ki maut koi maut nahin hoti

wo jo har deen se munkir tha, har ik dharm se duur
Phir bhi har deen, har dharm ka gham khwaar raha

Saari qaumon ke gunahon ka kara bojh liye
Umr bhar surat e Isa jo sar e daar raha

#Sahir on #JawaharlalNehru 's death
2/

Jis ne insanon ki taqseem ke sadme jhele
Phir bhi insaan ki akhawat ka parastar raha

Jis ki nazron mein thi aalami tehzeeb ka khwaab
Jiska har saans naye ahd ka maimaar tha

#Sahir on #JawaharlalNehru 's death

Uske farmanon ki, ailaanon ki taazeem karo
Raakh taqseem ki arman bhi taqseem karo

Maut aur zeest ke sangam pe pareshan kyun ho
Uska baksha hua sah rang alam le ke chalo

#SahirLudhianvi on #JawaharlalNehru 's death
4/

Jo tumhe jaada e manzil ka pata deta hai
Apni peshani pe woh naqsh e qadam le ke chalo

Daman e waqt pe ab khoon ke cheente na pare'n
Ek markiz ki taraf der o haram le ke chalo

#SahirLudhianvi on #JawaharlalNehru 's death

Hum mita dalenge sarmaya o mehnat ka tazaad
Yeh aqeeda yeh irada yeh qasam le ke chalo

Woh jo hamraz raha haazir o mustaqbil ka
Uske khwaabon ki khushi Rooh ka gham le ke chalo

#SahirLudhianvi on #JawaharlalNehru 's death
6/6