Thread by @kalaignarist

#Thread

கலைஞரை இந்து முன்னணி இராமகோபாலன் (அப்பாயிண்ட்மெண்ட் இன்றி) சந்தித்த நிகழ்வு.

அன்று காலை வழக்கம் போல கோபாலபுரம் இல்லம் பரபரப்பாக இருந்தது. கலைஞரைச் சந்திக்க காத்திருக்கும் அமைச்சர்கள், அதிகாரிகள், கட்சியினர், பொதுமக்கள் என பலர் கீழே அமர்ந்திருந்தனர்.

1/n

தலைவர் கலைஞர் குளித்து காலை உணவருந்தி கொண்டிருக்கிறார் என சொல்லப் பட்டது. அடுத்து ஒரு மணி நேரத்தில் அனைவரையும் சந்தித்து விட்டு கோட்டைக்குச் செல்வார்.

அந்த நேரத்தில் வாசலில் வந்து நின்ற ஒரு அம்பாஸடர் காரில் இருந்து திரு.ராமகோபலன் இறங்கினார். உடன் வயதான..

2/n

இன்னொரு உதவியாளர். அவ்வளவே!

திமுகவுக்கும், இந்து முன்னணிக்கும் இருக்கும் கருத்து வேறுபாடு குறித்தும், இராமகோபாலன் தனது வாழ்நாளெல்லாம் கலைஞர் எதிர்ப்புப் பிரச்சாரம் செய்பவர் என்பது அனைவரும் அறிவோம். அன்றைக்கு முந்தைய நாள்தான் ஒரு கூட்டத்தில் ஹிந்துமத மூட..

3/n

நம்பிக்கைகளை கலைஞர் சற்றுக் கடுமையாக விமர்சித்திருந்தார்.

எனவே, காவித்துண்டு தலைப்பாகை அணிந்த திரு.ராமகோபாலனைக் கண்டவுடன் முதல்வரின் செக்யூரிட்டி அதிகாரிகள் அவரைச் சுற்றி வளைத்து சோதனை போட முயல, கலைஞரின் தனி உதவியாளர் திரு. சண்முகநாதன் ஓடிவந்து அதை தடுத்து,..

4/n

அவரை வரவேற்று உள்ளே அழைத்துச் சென்றார்.

கலைஞருக்கு இந்தத் தகவல் சொல்லப்பட, முதல் அழைப்பாக திரு.ராமகோபாலன் மாடிக்கு அழைக்கப்பட்டார். இருவரும் பரஸ்பரம் வணக்கம் சொல்லிக் கொண்டு எதிரெதிரே அமர்ந்தார்கள்.

இருவரும் உடல்நலன் விசாரித்துக் கொண்ட பிறகு,..

5/n

ராமகோபாலன் நேரடியாக விஷயத்துக்கு வந்தார்.
கலைஞர் அவர்களே! நான் உங்களுடைய ஹிந்து மத விரோதப் பேச்சுகளை கடுமையாக கண்டிக்கிறேன். என்றார்.

பதிலுக்கு கலைஞர் அவரிடம், உங்களின் கண்டனத்தை நான் அப்படியே முழுமையாக பெற்றுக் கொள்கிறேன் என்றார் சிரித்தபடி.

ராமகோபாலன் தனது..

6/n

கையிலிருந்த ஒரு துணிப்பையில் இருந்து 'பகவத் கீதை' புத்தகத்தை கலைஞருக்கு பரிசாக அளித்து, இதைப் படித்தால் உங்களுக்கு ஹிந்து மதம் குறித்த ஒரு புரிதல் கிடைக்கும் என்றார்.

கலைஞர் மெல்ல எழுந்து ( அப்போது அவரே எழுந்து நடப்பார் ) அருகிலிருக்கும் ஒரு அலமாரியைத்..

7/n

திறந்து அதில் இருந்த திராவிடர் கழகத்தின் 'கீதையின் மறுபக்கம்' புத்தகத்தை எடுத்து வந்து ராமகோபாலனிடம் கொடுத்து இதைப் படித்தால் உங்களுக்கு ஹிந்து மதம் குறித்த தெளிவு கிடைக்கும் என்றார் சிரித்தபடி.

ராமகோபாலன் திகைத்தபடி அந்தப் புத்தகத்தைப் பெற்றுக் கொண்டு புறப்பட்டார்.

8/n

காஃபி சாப்பிடாம போறீங்களே? என்றார் கலைஞர்.

நான் காஃபி சாப்பிடுவதில்லை.பால் குடிப்பதுதான் வழக்கம் என்றார் ராமகோபாலன்.

அப்படியா? அப்போ இதையும் பெற்றுக் கொள்ளுங்கள்.இதில் "முப்பாலும்" இருக்கிறது என்றபடி தனது மேசையில் இருந்த திருக்குறளையும் எடுத்துத் தந்தார் தலைவர் கலைஞர்.

9/n

இருவருமே சிரித்தபடி பரஸ்பரம் வணக்கம் சொல்லிக் கொள்ள அந்தச் சந்திப்பு முடிந்தது.

Credit - எஸ்கேபி.கருணா

(தலைவர் கலைஞரையும் யாராலும் எளிதில் சந்திக்க முடியாது என்பது போலவும், ஜெயலலிதாவைப் போலவே அவரும் யாராலும் எளிதில் அணுக முடியாதவர்தாம் என்பது போலவும்..

10/n

ஒரு சில கருத்துகளை சமூக வலைதளமான டிவிட்டரில் கண்டேன். அதற்கான எனது பதில் இது. )

#ThankYouMK #Kalaignar #Karunanidhi #RamaGopalan #MKStalin #MKStalin4CM #DMK2021 #Dravidam #DMK4TN #DMK

#திராவிட_பேரரசன் 👑
#கலைஞர் 🖋
#கருணாநிதி 🕶💺

#கலைஞரிஸ்ட் - #Kalaignarist