Thread by @wolf_twits

கெண்டனிஸ் மொழியில் அவரின் பெயர் சவ் யுன் ஃபட் (Chow Yun Fat) ஹாங்காங்காரர்,இப்பொழுது சீனர்

மனிதர் புரூஸ்லீ ,ஜாக்கிசான் போல் குங்க்பூ சண்டையால் ஹாலிவுட்டில் வெற்றிகொடி நாட்டிய நடிகர்கள் வரிசை,இன்றைய தேதியில் பல மில்லியன் டாலர் சம்பளம் வாங்கும் நடிகர்

இன்று உலகமே அவரை வணங்கி கொண்டிருக்கின்றது

அப்படி என்ன செய்தார் மனிதர்?

தன் வாழ் நாளெல்லாம் சம்பாதித்த பணத்தை 5 ஆயிரம் கோடியினை தானமாக கொடுத்துவிட்டார்

மனிதர் சொல்வது இதுதான்!
என் உணவுக்கும் செலவுக்கும் பணமிருக்கின்றது, முடிந்துவிட்டால் கேமரா முன் நின்றால் போதும்

"சேர்த்து வைத்த பணத்தை கொண்டு செல்லமுடியுமா? இல்லை மரணம் அழைத்தால் அதை கொண்டு தடுக்க முடியுமா?"

ஆச்சரியமான மனிதர் இவர்

பொதுவாக சீனர்களின் வழக்கம் வித்தியாசமானது,ஒருவர் இறந்து விண்ணகம் சென்றால் சுடுகாட்டில் அவரின் உடைகள் மற்றும் பொருட்கள் சிலவற்றை எரிப்பார்கள்,

அதாவது அதுவும் பரலோகம் செல்லுமாம்

சிலர் காரையே எரித்த கதை எல்லாம் உண்டு,ஆம் மூட நம்பிக்கை அப்படி உண்டு.

அப்படிபட்ட சீனர்கள்,ஒருவர் இறந்தால் பணத்தையும் எரிப்பார்கள்,அப்பணம் மேலோகம் செல்லுமாம்

இப்பொழுது பணத்திற்கு பதிலாக வெறும் காகிதம் எரிக்கின்றார்கள்,

அனுதினமும் வானலோக தந்தைக்கு பணம் அனுப்பும் சீன குடிமக்கள் உண்டு

கம்யூனிசம் அவர்களின் ஆட்சி கோட்பாடே அன்றி,அவர்களின் மூட நம்பிக்கை இன்னும் அப்படியே இருக்கின்றது.

அப்படிபட்ட சீன இனத்தில் இருந்து வந்து,செத்தபின்னும் எரித்து கொண்டு செல்லும் குலத்தில் இருந்து வந்து

5000 கோடியினை விட்டு செல்லும் நிச்சயம் உயர்ந்த மனிதரே

அது என்னவோ தெரியவில்லை சீன நடிகர்கள் மிக கஷ்டபட்டு சண்டை இடுகின்றார்கள்,ஆனால் அந்த பணத்தினை அள்ளி கொடுக்கின்றார்கள்

ஜாக்கிசானும் நிரம்ப கொடுத்துவிட்டார்,தன் மகனுக்கு சல்லி பைசாவும் சேர்த்து வைக்கவில்லை

இந்த Chow Yun Fat அள்ளி கொடுக்கின்றார்

ஆனால் தமிழக நடிகர்கள் மிக சுகமாக நடித்து வந்துவிட்டு, நடிகைகள் இடுப்பை சுற்றி ஆடி சம்பாதித்துவிட்டு சல்லிகாசு கொடுப்பதில்லை

சீன சண்டை நடிகர்களுக்கு தன்னம்பிக்கையும் பொது நல சிந்தனையும் அதிகம் போலும்

இங்கே தன் கலாச்சாரபடி இங்கு எரித்து மேலோகம் கொண்டு செல்ல வேண்டிய பணத்தை, பொது நலத்திற்கு கொடுத்து புண்ணியம் தேடியிருக்கின்றார் சாவ்,அந்த புண்ணியம் நிச்சயம் அவரை காப்பாற்றும்

இந்த Chow Yun Fat கொண்டாடபடும் பொழுது, அவரின் மனைவியும் கொண்டாடபடுகின்றார்,

ஆம் , சொத்தெல்லாம் அவர் அள்ளி கொடுக்கும் பொழுதும் அம்மணி தடுக்கவே இல்லையாம்.

எப்படிபட்ட அபூர்வ மனைவி?

மனிதர் எல்லா வகையிலும் ஆசிபெற்றவர் போல, அதனால்தான் அள்ளி அள்ளி கொடுக்கின்றார் .