Thread by @Ganesh_Twitz

#Thread
#தெரிஞ்சிக்கோங்க

சிப்ஸ் பாக்கெட்டை பிரிச்சு கொடுத்தால் உண்ணாமல் ஏன் கட்டுப்பாடோடு இருக்க முடியாது???

'சும்மா ஒரே ஒரு சிப்ஸ் மட்டும் சாப்பிடுவோம்' என்று ஆரம்பித்த நீங்கள் உங்களை அறியாமலேயே கட்டுப்பாட்டை மீறி முழு பாக்கெட்டையும் தீர்த்து விடுகிறீர்களா? கவலைவேண்டாம்.

ஏனெனில் நீங்கள் மட்டும் அப்படி கிடையாது நானும்தான். நீங்களும் நானும் மட்டுமா அதுவும் கிடையாது, உலகில் உள்ள பெரும்பாலானவர்களின் நிலை இதுதான்.சாப்பிடுபவர்கள் எல்லோரையும் இப்படி எல்லை மீறவைக்கும் இந்த உருளைக்கிழங்கு சிப்ஸில் அப்படி என்னதான் உள்ளது என எப்போதாவது யோசித்திருக்கிறீர்களா

Fat Carb Ratio

பொதுவாக நாம் உண்ணும் உணவில் உள்ள மாவுச்சத்து, புரதம் மற்றும் கொழுப்பு கூறுகளின் அளவின் அடிப்படையிலான விகிதமானது Carb/fat/protein ratio என்று குறிப்பிடப்படும். இவற்றில் கொழுப்பு மற்றும் மாவுச்சத்துக்கு இடையேயான விகிதம் (Fat Carb Ratio)

ஒரு உணவின் சுவையை தீர்மானிப்பதில் முக்கிய பங்கு வகிக்கிறது. ஒரு உணவில் எந்த விகிதத்தில் Carb fat ratio (35% fat மற்றும் 45% carbohydrates) இருந்தால் நம்மை அடிமை படுத்துமோ அதே அளவிலான விகிதத்தில்தான் உருளைக்கிழங்கு சிப்ஸில் உள்ளது என ஒரு ஆராய்ச்சியில் கண்டு பிடிக்கப்பட்டது‌.

இது எவ்வாறு செயல்படுகிறது என்றால் நாம் போதைப்பொருள் உட்கொள்ளும் போது நம் மூளையில் உற்பத்தியாகும் டோபமைன் (Dopomin) என்ற பொருளானது இந்த உருளைக்கிழங்கு சிப்ஸ் சாப்பிடும்போதும் நம் மூளையில் சுரக்கிறது என எலிகளை சோதனைக்கு உட்படுத்தி கண்டறியப்பட்டது.

எனவே நமக்கு பசியே இல்லாவிட்டாலும் ஒருவகை மகிழ்ச்சியான உணர்விற்காக நம்மை அளவில்லாமல் உண்ணத் தூண்டுகிறது. இதில் முக்கியமான விடயம் என்னவென்றால் ஒருவருக்கு BMI எவ்வளவு அதிகமாக உள்ளதோ அதற்கு ஏற்றவாறு இந்த Brain Reward System-ம் அதிகமாக வேலை செய்யுமாம்.

உப்பு

ஒரு உணவிற்கு நம்மை அடிமையாக்குவதில் உவர்ப்பு சுவை முக்கிய பங்கு வகிக்கின்றது. இனிப்பு சுவையைப் போல உவர்ப்பும் மனிதனுக்கு மகிழ்ச்சியை தருவது மட்டுமின்றி இனிப்பைக்காட்டிலும் மூளையை அதிகமாக தூண்டி சிகரெட் மற்றும் இதர போதைப் பொருட்களை போல மூளையை இச்சுவைக்கு அடிமையாக்குவதாக

ஆஸ்திரேலியா-வை சேர்ந்த Craig Smith என்பவர் எலியை வைத்து நடத்திய ஆராய்ச்சியின் மூலம் கண்டறிந்தார்.

அதாவது மற்ற போதைப்பொருட்களை பயன்படுத்தும்போது மூளையில் சுரக்கும் டோபமைன்-ஆனது நம் உவர்ப்பு சுவை உட்கொள்ளும்போது சுரக்கிறது.

smh.com.au/technology/sci…

இதனை உறுதிபடுத்த செய்யப்பட்ட ஆராய்ச்சியில் மூன்று எலிகள் தேர்ந்தெடுக்கப்பட்டு அவைகளுள் ஒன்றிற்கும் உடலில் ஒவ்வொரு வகையான மருந்து செலுத்தப்பட்டது. அதில் மூளையில் Brain Reward System-ஐ செயலிழக்கச் செய்யும் மருந்தும் (naloxonazine) ஒன்று. பின்னர் மூன்று எலிகளுக்கும் உப்பு கலந்த நீர்

கொடுக்கப்பட்டது. செய்யப்பட்ட சோதனையில் மற்ற இரண்டு எலிகளும் தனது உடல் எடையில் 5% அளவிற்கு எடையளவிற்கு நீரைப் பருகின. ஆனால் Reward System செயலிழக்கச் செய்யப்பட்ட எலி மட்டும் 2%-க்கும் குறைவான அளவு நீரையே பருகியது.

எனவே ஒரு உணவுக்கு நம்மை அடிமையாக்குவதில் (Food addiction) உப்பானது எவ்வளவு முக்கிய பங்குவகிக்கிறது என இந்த ஆராய்ச்சியின் முடிவின் மூலம் உங்களுக்கு புரிந்திருக்கும்.

MonoSodium Glutamate (MSG)

குழப்பாமல் எளிமையாக கூறவேண்டும் என்றால் பெரும்பாலான உணவகங்களில் மணம் மற்றும் சுவையூக்கியாக (Flavour Enhancer) பயன்படுத்தப்படும் அஜினோமோட்டோ-வின் வேதிப்பெயர்தான் MonoSodium Glutamate .

குளூட்டமிக் அமிலத்தில் (Glutamic Acid) இருந்து பெறப்படும் இந்த வேதிப்பொருள் நாவின் சுவை மொட்டுகளைத் தூண்டி உணவில் உள்ள சுவையானது நாக்கில் அதிக அளவில் தாக்கத்தை ஏற்படுத்துவதற்கு உதவுகிறது. எனவே இது சேர்க்கப்பட்ட உணவின் சுவை மற்ற உணவுகளைக் காட்டிலும் அதிக அளவில் நம் மூளையில்

தாக்கத்தை ஏற்படுத்தும்.

என்னதான் இதன்மூலம் மூளை நரம்பு சம்பந்தப்பட்ட பிரச்சனைகள், ஆஸ்துமா போன்றவை ஏற்படும் என பரவலாக கூறப்பட்டாலும் அமெரிக்காவின் FDA (Food and Drug Administration) இப்பொருளை பாதுகாப்பானது என்றே கூறுகிறது.

மொறுமொறுப்பு (Crunchy)

ஒரு உணவின் மொறுமொறுப்பானது அதன் மணம் மற்றும் சுவைக்கு சம்மந்தமில்லை என்றாலும் ஒரு பொருள் எந்த அளவிற்கு மொறுமொறுப்பாக உள்ளதோ அந்த அளவிற்கு Fresh மற்றும் சுவையானது என மூளைக்கு அனுப்புகிறது. இதனைக் கண்டறிவதற்காக Pseudo-chewing sound using EMG என்ற முறை

பயன்படுத்தப்பட்டது.

அதாவது ஆராய்ச்சிக்கு உட்படுத்தப் பட்டவர்களிடம் Mic கொடுக்கப்பட்டு அந்த Mic வழியாக வரும் சத்தத்தை அவர்களே கேட்கும்படியாக Headphone-ம் கொடுக்கப்பட்டது

பின்னர் எல்லாருக்கும் ஒரே தன்மையுள்ள சிப்ஸ் கொடுக்கப்பட்டு அவற்றின் ஒவ்வொன்றின் சுவையும் எவ்வாறு உள்ளது என கேட்கப்பட்டது. அவர்கள் சாப்பிடும்போது பின்னிருந்து கணினி அமைப்பின் மூலம் ஒளியின் அளவும் அடிக்கடி மாற்றப்பட்டது.

இதில் எப்போதெல்லாம் ஒளியின் கூர்மைத்திறன் கூட்டப்படுகிறதோ அப்போதெல்லாம் அவர்கள் சாப்பிட்ட சிப்ஸ் மற்றவற்றை விட சுவையானதாக இருந்ததாக கூறினார்களாம். இதற்கு காரணம் மூளையில் உள்ள Auditory Cortex Limbic System என்ற இடத்தில் ஏற்படும் தூண்டுதல்கள் ஆகும்.

இதோபோல் சிப்ஸ்-ன் தடிமன்-ம் அதன் சுவையைத் தீர்மானிப்பதில் முக்கிய பங்கு வகிக்கிறது. ஒரு சிப்ஸ் எந்த அளவு மெல்லியதாக உள்ளதோ அந்த அளவிற்கு நம்மை அதிகமாக சாப்பிடத்தூண்டும்.

இவ்வாறு நம்முடைய கட்டுப்பாட்டை மீற வைப்பதற்கான பல பண்புகளை சிப்ஸ் கொண்டுள்ளதால் ஒரு பாக்கெட்டில் இருந்து முதல் சிப்ஸை எடுத்து சாப்பிடும்போதே நாம் Hedonic Hyperphagia என்ற நிலைக்குத் தள்ளப்படுகிறோம். "Hedonic Hyperphagia என்பது பசியே இல்லையென்றாலும் ஆசையின் காரணமாக நாம்

சாப்பிடுவதற்கு உந்தப்படும் ஒரு நிலையாகும்".

இந்த நிலைக்கு நம்மை கொண்டுபோகும் உணவுகளில் சிப்ஸ் மற்றும் சாக்லேட்-க்கு முக்கிய இடமுண்டு.எனவே அடுத்தமுறை நீங்கள் சிப்ஸ் பாப்பிடும்போது யோசித்து சாப்பிடுங்கள். ஏனெனில் நீங்கள் ஒரு சிப்ஸ் போதும் என நினைத்தாலும் உங்களையே அறியாமல் நீங்க

சாப்பிடப்போவது ஒரு பாக்கெட் சிப்ஸ் என்பதை மறந்துவிடாதீர்கள். ‌

#END