Thread by @anbeSelva

இடஒதுக்கீடு என்ற வார்த்தையே தவறானது. ஏனெனில், அரசமைப்புச் சட்டத்தில் அம்பேத்கர் எங்கும் இட ஒதுக்கீடு என்ற வார்த்தையை பயன்படுத்தியது இல்லை.
அவர் (REPRESENTATION) என்ற வார்த்தையை மட்டும்தான் பயன்படுத்துகிறார்

இடஒதுக்கீடு-பிரதிநிதித்துவ என்ற இரு வார்த்தைகளுக்கும் உள்ள வேறுபாடு
1/12

என்பது மலைக்கும் மடுவுக்கும் உள்ள வேறுபாடு போன்று.

இடஒதுக்கீடு என்பது ஒருவருக்காக ஒரு இடத்தை சலுகையின் அடிப்படையில் ஒதுக்குவது. இது வரலாற்றில் எங்கும் நிகழவில்லை.

இடஒதுக்கீடு என்றால் இலவசமாகக் கொடுப்பது என்பது பொருள். பிரதிநிதித்துவம் என்பது பிறப்புரிமை ஆகும்.
2/12

பிறப்புரிமை என்பதின் பொருளில்தான் அம்பேத்கர் இதைக் கொண்டுவந்தார்.

பூர்வகுடிகளான பிற்படுத்தப்பட்ட, ஒடுக்கப்பட்ட மக்களுக்கான பிரதிநிதித்துவ இடங்களை கொடுக்க வேண்டும் என்பதே இதன் பொருள் ஆகும்.

இந்தியாவின் நான்கு தூண்ககளிலிருந்து பேசுவோம்
3/12

1) முதலில் ஊடகம். இந்தியாவில் 56% இருக்கும் பிற்படுத்தப்பட்ட மக்கள் நேஷனல் மீடியாவில் வெறும் 4% இருக்கிறார்கள். தாழ்த்தப்பட்டவர், பழங்குடியினர் என்று 25% மக்களில் ஒரு சதவிகிதம்கூட இல்லை. 15% மதச் சிறுபான்மையினரில் வெறும் 3% மக்கள்தான் தேசிய மீடியாவில் இருக்கிறார்கள்.
4/12

இந்தியாவின் 90% மக்கள் ஊடக துறையில் 7%தான் இருக்கிறார்கள். மீதமுள்ளவர்வர்கள்தான் ஆளும் வர்க்கத்தினர். இவர்கள்தான் மீடியாவை கட்டுப்பாட்டில் வைத்திருக்கிறார்கள். இவர்கள் தருவதுதான் செய்தி, ஆக, ஜனநாயகத்தின் மிக முக்கிமான துறையில் பெரும்பான்மை மக்களுக்கு பிரதிநிதித்துவம் இல்லை
5/12

2)நீதித்துறை. உச்சநீதிமன்றத்தில் தாழ்த்தப்பட்ட, பிற்படுத்தப்பட்ட மக்களில் ஒரு பெண்கூட இன்னும் தலைமை நீதிபதியாக அமரவில்லை. 70 ஆண்டுகளில் ஒரே ஒரு தாழ்த்தப்பட்டவர் ஒரே ஒரு பிற்படுத்தப்பட்டவர் மட்டுமே முக்கியப் பதவிக்கு வந்திருக்கிறார்கள்

இன்னும் ஒரு சிறுபான்மையினர் வரவில்லை.
6/12

70 ஆண்டுகளில் ஜனநாயகத்தின் முக்கியமான நீதித்துறையில் பிரதிநிதித்துவம் இல்லை

3)மூன்றாவதாக, ஆட்சி நிர்வாகத்தில் முதன்மைச் செயலாளர், பல்கலைக்கழகம், ஐஐடி முதல் உயர் கல்வி நிறுவனங்கள் வரை இந்தியாவின் முக்கியப் பதவிகளில் பிரதிநிதித்துவம் இல்லை ராணுவத்தில் இல்லை,
7/12

இந்தியாவின் மிக அதிகாரமிக்க பிரதமர் அலுவகத்தில், கேபினட் செக்ரட்ரிகளில், வெளியுறவுகளில் BC, SC/ST என்று யாரும் உயர் பதவியில் இல்லை

4)சரி எங்கு பிரதிநிதித்துவம் இருக்கிறதென்றால் அம்பேத்கர் கொண்டுவந்த பாராளுமன்ற சட்டமன்றத்தில் மட்டும் இருக்கிறது இங்கும் பெண்களுக்கு 50%இல்லை
8/12

2000 ஆண்டுகள் ஏற்படுத்திய அநீதி இன்னும் நேர் செய்யப்படவில்லை. இதுதான் யதார்த்தம், இடஒதுக்கீடுகளுக்கு எதிராக ஒருவன் பேசுகிறான் என்றால் அவன் முட்டாளாக இருப்பான். ஒரு நாட்டில், பெரும்பான்மை மக்களைப் புறக்கணிப்பது என்பது ஜனநாயகப் படுகொலைக்குச் சமம்
9/12

இரண்டாயிரம் ஆண்டுகளாக இழைக்கப்பட்ட கொடுமைகளுக்கு இன்னும் 10%கூட நீதி வழங்கவில்லை. ஆனால் 70 ஆண்டுகளாக இடஒதுக்கீடுகளை அனுபவிக்கிறார்கள் என்று கூறுவது அயோக்கியத்தனத்தின் உச்சம்

இடஒதுக்கீடு என்பது பொருளாதார நலத்திட்ட உதவி இல்லை. காலங்காலமாக மறுக்கப்பட்ட உரிமைகளுக்கான இழப்பீடு
10/12

முதலில் இடஒதுக்கீடு என்பதை அனைத்து மக்களும் ஆழமாகப் புரிந்துகொள்ள வேண்டும்.

இனி, இடஒதுக்கீடு என்று சொல்ல வேண்டாம் - பிரதிநிதித்துவம் என்றுதான் சொல்ல வேண்டும்

11/12

தோழர் புனிதபாண்டியனின் இந்த பேட்டி இடஒதுக்கீடு பற்றிய முக்கியமான பார்வையை தருகிறது.

நன்றி: -சண்.சரவணக்குமார்--மின்னம்பலம்
12/12