Thread by @teguando1

My Pipu of Niger Delta, @MBuhari na better person?

#Thread

Our own pikin @GEJonathan be presido for about 6years and we begin happy ,dance and make special yanga because we see am say our time to chopulate development for our region don land like Lander Brothers of 1830

2. How many pipu remember the Lander Brothers(John & Richard)?
Our dream of say Bayelsa go become small Dubai,Rivers go become the industrial oil bride and Warri go return to old glory of oil city with all the three ports of Delta State go begin work ,work go brekete everywhere

3. wen Bros Jay make our fine Bayelsa daughter, Diezani as oga for Petroleum another of our pikin from Edo,Onolomehme siddion gidigba for Works Ministry and Delta State pikin way sabi manage economy for bank way the world dey keep money(World Bank),@NOIweala
Minister of Finance

4. Our head for the region almost burst because imagine say @imessi @Cristiano @neymarjr all of them sign to play for one club called Niger Delta FC with Zedan as coach,who go fit beat them for any football competition?
Na our clear case & road to development for our region,abi?

5. Our sons and daughters unders uncle @GEJonathan hold the very critical "kondo" ( Works,Finance and Petroleum Ministry) way go break the "palm kernel" of development for ours region.
I no wan mention Niger Delta Ministry, @NDDCOfficialNGR ,Amnesty office and @nimasaofficial o!

6. If we add all that join am,we go see say under Bros @GEJonathan our region position gidigba no be small for better position way be say all "ingredients to cook better soup of development" don set and na to begin chopulate am remain.
We no sing "loapside appointment" grammer 🤣

7. Make I name the position again?
1. President
2. Minister of Finance
3. Petroleum Minister
4. Works and Housing Minister
5. DG of @nimasaofficial
6. Minister for Niger Delta
7. MD of @NDDCOfficialNGR
8. SA Office of Amnesty
All the above for federal na Niger Delta Pikin

8. If we come add 13% join am with the understanding say our ogbonge Governor too no be Hausa Fulani, but pikin dem way the region blood dey flow for body,you sef go come see am and agree with me say,we no suppose to dey cry about bad roads,schools,hospital,industries etc ,abi?

9. But wit all the yanfun yanfun position way our sons & daughters get,dem no fit move our region forward.
Na only "money dey flow" under @GEJonathan be the language for our region.
None of our ports work,train no work, Refinery no work ,in short no tangible plan work Niger Delta

10. All the money for development begin "flow for Circulation" as Oyinbo dem put am for better English, "We started eating our future".
Our brothers way carry gun because sake of say our area no develop,begin chop money and fly private jets,carry oyinbo ashawo for Florida & Dubai

11. Our local ogogoro no come sweet for den mouth again as dem teste champagne.
Our miltian brothers way carry gun because of no development for Niger Delta see enjoyment and forget home as dem come begin buy house for Lagos ,Abuja and abroad.
One way Amnesty program send go

12. School for abroad refuse to come back come help develop our region.
We begin hear how our Sister from Bayelsa, Aunty Diezani use $40m buy jewellery
premiumtimesng.com/news/headlines…

13. I count Court orders of forfeiture of Bros @GEJonathan
wife ,our own mama Patience from Niger Delta region so tay my pr*ck no fit stand again my people.
Watin?! Dem dey bury person with money?
premiumtimesng.com/news/headlines…